10.1:219  CONSILIA.  lius  ratio  non  habeatur,  qui  viam  ipse  et  modum  aperuit,  quo  ecclesia  primum  colligeretur  in  Domino  per  suum  ministerium.  Fateor  vero  ubi  ordo  semel  status  est,  fixum  et  immotum  retinendum  esse  :  sed  longe  alia  est  ratio,  ubi  ne  tenuissima  quidem  ecclesiae  initia  exstant.  Quid  enim  dicemus  de  plurimis  illis  ecclesiis,  quae  Domino  per  Germaniam  erectae  sunt?  An  qui  primum  illis  evangelio  praedicando  navarunt  operam,  non  sine  ullo  ritu  admissi  sunt  pro  veris  pastoribus?  Neque  vero  cogito  vos  hominum  autoritati  subiicere:  sed  exemplum  illud  profero,  quod  ad  confirmandum  illud  quod  posui,  faciat:  nimirum  non  requiri  ut  electio  in  eadem  forma  locum  habeat  rebus  nondum  constitutis,  atque  ubi  ecclesia  suam  quandam  formam  et  ordinem  iam  admisit.  Quare  nulla  mihi  constare  potest  illarum  difficultatum  ratio,  nisi  quod  accersi  occasiones  a  remotis  iudico.  Expendite  praeterea  ubi  vos  domergatis,  si  hoc  semel  perfringatur.  Quod  enim  ius  erit  statuendum  de  tot  baptismis  intermedii  temporis?  Quid  de  coena  vobis  perinde  administrata?  Plura  non  addam,  quum  vel  ista  sint  plus  satis,  ut  fraenum  iniiciant  immoderatis  contentionibus.  Quod  si  neque  ista  satisfaciunt  fratribus,  qui  zelo  ducti  nimis  sunt  opinionibus  suis  addicti,  peto  ab  illis  per  Dominum,  ut  cogitent  etiam  atque  etiam  in  quod  discrimen  ecclesiam  adducant.  Habitatis  istic  ut  precario.  Ubi  hoc  notabitur,  tam  esse  difficiles  in  multis  rebus,  annon  vestra  morositas  taedium  aliquod  et  animi  alienationem  allatura  sit  bonis  illis  et  piis  senatoribus,  a  quibus  tam  humaniter  excepti  estis?  Deinde  annon  vobis  liquet,  nos  omnes  in  illius  quo  de  agitur  persona  semel  peti  ab  illis,  qui  unum  hoc  captant,  ut  vos  omnes  opprimant?  Mirum  sane,  quum  Guelfae  et  Gibellini  se  coniungere  sustineant  adversus  novum  hostem  emergentem,  vos  vero  non  eorum  exemplo  duci,  qui  in  unam  veritatis  evangelii  professionem  vocati  sitis.  Qui  vobis  adversantur  in  certo  articulo,  iam  vos  lacessere  incipiunt  ut  tandem  evertant.  Frater  ille  stat  paratus  ad  illos  repellendos,  ac  primos  impetus  sustinet.  Quam  igitur  indignum  est,  illum  porro  etiam  a  vobis  vexari.  Atqui  vel  illa  afflictio  qua  constringitur,  idonea  erat  ad  emollienda  etiam  illorum  pectora,  qui  essent  in  illum  exacerbatissimi:  maxime  quum  et  pestem  vobis  a  Deo  immissam  attenditis,  et  alterum  ex  pastoribus  iam  ereptum  esse:  quasi  iam  et  pastum  vobis  plane  subducendum  comminetur  Dominus,  ubi  nullam  rationem  admittitis  qua  vobis  satisfiat.  Haec  ad  vos  scribo,  ut  ignem  accensum  exstinguam.  Et  tamen  si  quis  nondum  potest  acquiescere,  saltem  a  vobis  peto  per  Dominum,  ut  extra  ullum  motum  et  contentionem  sustineatis  modo  aurem  praebere  rectis  consiliis,  quibus  deinde  placide  manus  detis.  Spero  equidem  quam  hic  a  me  habetis