9:218  copulata  esse  quae  divellimus.  Imo  dextre  a  nobis  explicatur  copulae  ratio,  dum  monemus  non  inspicienda  esse  nuda  elementa,  quae  per  se  nihil  facerent  ad  spiritualem  [pag.  227]  vitam,  sed  ad  verbi  quod  illic  insculptum  est  intuitum  vertendos  esse  oculos.  Panem  et  vinum  si  quis  a  coena  abiiciens  (ut  fanaticis  quibusdam  contigit)  allegoricam  coenam  faceret,  non  prorsus  abs  re  Magdeburgenses  dicerent  signum  esse  visibile.  Quid  autem  hoc  ad  nos,  quibus  propositum  est  ostendere  unde  petenda  sit  utilitas  signorum,  ne  ex  corruptibili  eorum  natura  perperam  de  eorum  virtute  iudicium  fiat?  Ergo  ut  vera  et  efficax  sit  significatio,  et  exhibeatur  veritas,  piorum  sensus  revocamus  ad  promissionem.  Quo  etiam  spectat  illud  Augustini  :  Accedat  verbum  ad  elementum,  et  fiet  sacramentum.  Hinc  apparet  quam  bona  fide  nos  doli  mali  insimulent  Magdeburgenses  et  quam  modeste  et  humaniter  nobis  exprobrent,  imperiose  nos  iubere  quod  nunquam  in  mentem  venit.  Quis  enim  non  videt  tunc  vere  cum  pietatis  profectu  teneri  signorum  usum,  ubi  in  illis  refulget  promissio,  qua  remota  tota  actio  instar  ludicri  spectaculi  evanescit?  [pag.  228]  Vicesimum  sextum  argumentum.  Coena  Domini  accipitur  fide,  fides  est  rerum  absentium  :  ergo  in  coena  non  praesto  adest  corpus  Christi.  Quod  sic  correctum  paulo  erit  aptius:  Instituta  est  coena  ut  Christum  in  coelesti  sua  gloria  sedentem  fide  quaeramus:  hoc  autem  modo  impletur  apostoli  dictum,  fidem  rerum  esse  absentium:  loco  igitur  abest  Christus  secundum  humanam  naturam.  Nomen  loci  exprimo,  quia  non  obstat  distantia,  quominus  fruamur  praesentia  Christi,  qualem  scilicet  desiderat  fides.  Hic  cessat  Magdeburgensium  solutio,  fidem  interdum  circa  corporalia  versari.  Neque  enim  si  Christum  ex  virgine  natum  et  crucifixum  apprehendit,  simul  etiam  detrahit  e  coelo,  ut  loco  praesentem  sistat.  Nos  vero  eam  quae  fidei  convenit  Christi  praesentiam  in  coena  fatemur,  absentiam  restringimus  ad  naturae  veritatem.  Hoc  modo  supra  spem  agnoscunt  fideles,  quamvis  in  terra  peregrinentur,  vitam  [pag.  229]  capitis  sui  sibi  esse  communem.  Vicesimum  septimum  argumentum  est:  Humanum  corpus  est  definitum,  nec  potest  esse  ubique:  Christus  vere  humanum  corpus  assumpsit  et  adhuc  retinet:  ergo  secundum  humanam  naturam  non  potest  esse  ubique.  Apparet  inter  se  lusisse  Magdeburgenses,  et  dum  evertere  volunt  sacrum  et  inviolabile  Christi  symbolum,!)  sua  symbola  quasi  ad  cauponam  afferre.  Cuius  rei  praemonitos  velim  esse  lectores,  ut  si  posthac  animadvertant  usque  ad  fastidium  repeti  quod  iam  de  loco  dictum  est,  ex  hoc  acervo  confuso  colligant,  nihil  iudicio  vel  ra-  1)  les  signes  du  sainct  et  sacre  banquet  de  Christ