8:218  Respondit  Hieronymus:1)  Deum  esse  qui  cor  carneum  reddit  et  mentem  dat  capacem  intelligendae  salutis  doctrinae,  ipsamque  illuminat  et  postea  credere  facit,  et  subinde  progreditur  dona  sua  et  gratias  augendo  in  electis  suis,  hoc  est,  in  his  qui  perfecte  credunt.  Excipiunt  ministri:  Tergiversari  Hieronymum,  nec  aliud  quam  nugas  texere.  Rogatus,  an  non  electis  suis  Dominus,  ultra  facultatem,  simul  etiam  voluntatem  donet,  respondet  dari  cor  capax,  quo  significat,  nihil  ex  se  ipsa  posse  Dei  gratiam,  nisi  quatenus  libero  hominum  arbitrio  redditur  efficax,  ac  si  Deus  in  aere  pyrum  suspensum  teneret,  sineret  autem  proprio  quemque  motu  accurrere.  Inde  sequetur,  gratiam  Dei  nil  nisi  merito  nostro  adiutam  prodesse.  Atqui  Paulus  contra  testatur,  non  volentis  esse,  neque  currentis,  sed  miserentis  Dei  (Rom.  9,  16).  Quaesierunt  ministri:  Annon  post  ruinam  Adae  ita  penitus  nudati  sint  homines  libero  arbitrio,  ut  nihil  quam  malum  facere  possint  donec  reformentur?  Respondit  Hieronymus:2)  Hominem  non  fuisse  libero  arbitrio  in  totum  spo~  liatum  (factus  enim  esset  brutum  animal  et  ratione  vacuum).  Sed  arbitrium  eius  mansit  vulneratum  et  corruptum,  ut  saepe,  et  fere  semper,  bonum  iudicaverit  malum  esse  et  malum  bonum.  Ideoque  semper  ad  intelligendam  et  sequendam  Dei  legem  opus  habuisse  Dei  gratia,  et  ad  credendum  opus  habuisse  speciali  gratia  et  attractione.  Excipiunt  ministri:  Haec  propria  esse  papistae  verba,  dum  fatetur  magister  Hieronymus  hominem  Dei  gratia  opus  1)  Ipsum  Deum  esse  qui  dat  corda  carnea  ad  intellectum  capacem,  ad  audiendum  verbum  salutis:  quique  eundem  intellectum  illuminat  ac  docet,  ac  postquam  docuit  efficit  ut  credat  et  ita  progreditur  augendo  sua  dona  et  munera  in  electis,  h.  e.  vere  credentibus.  2)  Hominem  post  lapsum  non  perdidisse  omnino  liberum  arbitrium:  nam  fuisset  velut  brutum  privatum  ratione.  Sed  ipsius  arbitrium  fuit  saucium  et  corruptum,  ita  ut  saepe,  imo  vero  semper,  quod  bonum  erat  iudicarit  malum,  et  contra  existimant  malum  bonum  :  ob  quam  rem,  ut  intelligeret  legem  Dei,  et  ipsi  pareret,  indiguit  semper  gr.  Dei,  et  ut  crederet  in  Christum  opus  habuit  gr.  sp.  et  attractione.