7:218  la  congregation  des  fideles,  dont  parle  sainct  Luc.  Chacun  [page  169]  retenoit  bien  son  mesnage,  et  gouvernoit  son  bien  a  part.  Mais  ilz  avoyent  une  telle  fraternite,  que  nul  n'enduroit  indigence.  Or,  comme  i'ay  dict,  c'est  un  vray  miroir  de  la  dilection  Chrestienne,  et  auquel  nous  devrions  bien  mettre  peine  de  nous  conformer.  Et  pleust  a  Dieu  que  Quintin  et  ses  complices,  peussent  remettre  sus  une  telle  reformation.  Ie  n'aurois  garde  de  leur  resister.  Mais  ce  n'est  pas  ce  qu'ilz  cherchent,  ne  ou  ilz  pretendent.  Leur  but  est  de  mettre  tout  en  confusion.  Car  ilz  insistent  sur  ce  poinct,  que  nul  ne  doit  rien  avoir  de  propre.  Et  au  lieu  d'accepter  la  response  que  i'ay  faicte,  ilz  repliquent  qu'il  s'ensuit  apres,  que  tous  ceux  qui  avoyent  possessions  les  vendoyent.  Ainsi  selon  leur  phantasie  nul  ne  peut  estre  Chrestien,  qu'en  se  despouillant  de  tout  ce  qu'il*  a.  Ie  respons  a  cela  :  qu'ilz  faillent  doublement.  Car  pour  un  item,  sainct  Luc  ne  dict  pas  que  tous  vendissent.  Et  touchant  ceux  qui  vendoyent,  il  ne  dict  pas  qu'ilz  vendissent  [page  170]  tout,  sans  se  rien  laisser.  Afin  qu'ilz  n'alleguent  point,  que  ie  leur  forge  une  solution  de  ma  teste:  ie  vous  prie,  est  il  vray  semblable,  que  si  tous  eussent  vendu,  sainct  Luc  en  eust  seulement  mis  deux  en  avant  pour  exemple;  dont  l'un  mesme  estoit  un  hypocrite,  qui  vouloit  tromper  Dieu?  Il  nomme  Ioses  Cyprien,  qui  vendit  un  champ  a  la  verite,  induict  par  bonne  affection.  Le  second  qu'il  nomme,  le  faisoit  par  vaine  gloire,  et  n'apporta  qu'une  partie  du  pris.  Est-il  a,  croire,  que  d'environ  six  mille  fideles,  ou  d'advantage,  qui  estoyent  a  lors,  tous  ceux  qui  avoyent  heritaiges,  les  eussent  vendus:  et  que  sainct  Luc  en  produist  un  seul  pour  exemple?  Pay  dit  pour  le  second  poinct,  que  les  fideles  mesmes,  qui  ont  vendu  de  ce  temps  la.  leurs  heritaiges  pour  ayder  a  leurs  povres  1)  freres,  n'ont  pas  tellement  tout  vendu,  qu'il  ne  leur  soit  rien  demeure.  Car  chacun  ne  laissoit  pas  de  tenir  son  mesnage,  nourrir  sa  famille,  et  user  des  biens  que  Dieu  luy  avoit  donnez.  Qu'ainsi  [page  171]  soit,  il  est  adiouste  puis  apres,  que  Tabitha  femme  excellente  en  charite  par  dessus  les  autres,  faisoit  grandes  aulmosnes  (Act.  9,  39).  D'ou  les  eust  elle  faictes,  si  elle  eust  quiete  tout  son  bien?  Il  est  dict  que  sainct  Pierre  estoit  loge  ches  Simon  cordoanier2)  (Act.  10,  6).  Ce  qui  ne  se  pouvoit  faire,  qu'il  n'eust  eu  maison  et  famille.  Autant  en  est  il  dit  puis  apres  de  Marie  mere  de  Iehan:  assavoir  que  sainct  Pierre  estant  miraculeusement  tire  hors  de  la  prison  par  l'Ange,3)  vint  en  la  maison  d'icelle  (Act.  12,  12).  Autant  aussi  de  Lydie  (Act.  16,  15).  Car  1)  La  premiere  edition  met.  propres.  2)  le  cordonnier  1566;  le  conroyeur  1611.  3)  par  l'Ange,  manque  dans  la  traduction.