56:218  le  feu  s'esleignit.  3.  Et  appela  le  nom  de  ce  lieu  Tabera:  pource  que  le  feu  de  l'Eternel  s'estoit  allume  sur  eux.  4.  Le  commun  peuple  qui  estoit  parmi  eux,  convoita,  et  retourna  en  arriere:  aussi  les  enfans  d'Israel  pleurerent,  disant,  Qui  nous  fera  manger  de  la  chair.  O.  Il  nous  souvient  des  poissons  que  nous  mangions  pour  neant  en  Egypte,  des  concombres,  des  poupons,  des  porreaux,  des  oignons,  et  des  aux.  6.  Et  maintenant  nos  ames1)  sont  sechez,  car  nos  yeux  ne  voyent  que  Man.  7.  Or  le  Man  estoit  semblable  a  un  grain  de  coriandre  et  sa  couleur  comme  la  couleur  de  Bdellion.  8.  Le  peuple  s'espardoit,  et  le  recueilloit,  puis  le  mouloit  aux  meules,  ou  le  piloit  au  mortier,  et  le  cuisoit  en  un  chauderon,  et  en  faisoit  des  gasteaux  dont  la  saveur  estoit  comme  le  goust  de  liqueur  d'huile.  9.  Et  quand  la  rosee  descendoit  de  nuict  sur  Tost,  le  Man  descendoit  sur  iceluy.  10.  Moyse  donc  ouit  le  peuple  pleurant  par  ses  familles,  chacun  a  l'huis  de  son  pavillon:  de  quoy  le  courroux  de  l'Eternel  fut  fort  indigne,  aussi  cela  despleut  fort  a  Moyse.  ll.  Lors  Moyse  dit  a  l'Eternel,  Pourquoy  as-tu  afflige  ton  serviteur?8)  et  pourquoy  n'ay-ie  trouve  grace  devant  toy,  que  tu  as  mis  toute  la  charge  de  ce  peuple  sur  moy?  12.  Ay-ie  mesme  conceu  tous  ce  peuple  ?  ou  Pay-ie  engendre,  que  tu  me  dis,  Porte-le  en  ton  sein,  comme  le  nourricier  porte  un  enfant,  en  la  terre  pour  laquelle  tu  as  iure  a  ses  Peres?  13.  Dont  auroy-ie  de  la  chair  pour  en  donner  a  tout  ce  peuple?  car  il  pleure  contre  moy,  disant,  Donne-nous  de  la  chair  pour  manger.  14.  Ie  ne  puis  seul  soustenir  tout  ce  peuple,  car  il  est  trop  pesant8)  pour  moy.  15.  Si  tu  me  fais  ainsi,  ie  te  requier  (si  i'ay  trouve  grace  devant  toy)  que  tu  me  faces  mourir,  afin  que  ie  ne  voye  point  mon  mal.  16,  Adonc  l'Eternel  dit  a  Moyse,  Assemble-moy  septante  hommes  des  anciens  d'Israel,  lesquels  tu  cognois  estre  les  anciens  du  peuple  et  ses  gouverneurs,  et  les  amene  a  la  porte  du  tabernacle  de  convenance,  afin  qu'ils  assi*  stent  la  avec  toy.  17.  Puis  ie  descendray  la,  et  parleray  avec  toy,  lors  ie  separeray  de  l'Esprit  qui  est  sur  toy,  et  le  mettray  sur  eux:  afin  qu'ils  portent  avec  toy  la  charge  du  peuple,  et  que  tu  ne  la  portes  point  tout  seul.  18.  Et  tu  diras  au  peuple  Apprestez  vous  pour  demain,  et  vous  mangerez  de  la  chair  :  pourtant  que  vous  avez  pleure  aux  aureilles  de  l'Eternel,  disans,  Qui  nous  fera  manger  de  la  chair?  car  il  nous  estoit  mieux  en  Egypte:  ainsi  l'Eternel  vous  donnera  de  la  chair  a  manger.  19.  Vous  n'en  mangerez  point  un  iour  ni  deus:  iours,  ni  cinq  iours,  ni  dix  iours,  ni  vingt  iours:  *)  personnes  O.  2)  mal  faict  a  ce  peuple  O.  3)  chargeable  O.