55:218  Atque  hoc  rarae  consolationis  est,  quod  nostra  conditio,  qualem  experimur,  tot  ante  sacculis  praedicta  fuit.  Nam  inde  colligimus,  non  frustra  felicem  eius  exitum  nobis  promitti.  Deinde  agnoscimus  non  fortuito  nos,  sed  certa  Dei  providentia  affligi.  Denique  prophetiae  instar  speculi  sunt,  ad  repraesentandam  nobis  in  tribulationibus  coelestis  gloriae  imaginem.  Dicit  quidem  Petrus,  de  venturis  in  Christum  afflictionibus  spiritum  fuisse  testificatum:  sed  Christum  a  suo  corpore  non  separat.  Itaque  non  debet  hoc  restringi  ad  Christi  personam  :  sed  initium  faciendum  est  a  capite,  ut  membra  sua  ordine  sequantur:  quemadmodum  Paulus  docet  oportere  nos  ei  configurari  qui  primogenitus  est  inter  fratres  (Rom.  8.  29).  Denique  non  tractat  Petrus  quid  Christo  sit  proprium,  sed  de  universali  ecclesiae  statu  disserit.  Sed  hoc  ad  fidei  nostrae  confirmationem  multo  aptius,  dum  nostras  afflictiones  in  Christo  considerandas  proponit:  quia  melius  in  eo  cernimus  connexionem  mortis  et  vitae  inter  nos  et  ipsum.  Et  certe  hoc  ius  atque  haec  ratio  est  sacrae  unitatis,  quod  in  membris  suis  quotidie  patitur,  ut  postquam  in  nobis  absolutae  fuerint  eius  passiones,  suum  vicissim  complementum  habeat  gloria.  Qua  de  re  plura  ad  Coloss.  3.  cap.  et  1.  ad  Timoth.  4.  12.  Revelatum  est  quod  non  sibi.  Hunc  locum  perperam  arripiunt  fanatici  homines,  ut  patres,  qui  sub  lege  vixerunt,  excludant  a  spe  aeternae  salutis.  Neque  enim  simpliciter  negat  quin  saeculo  suo  utiliter  ministraverint  prophetae,  atque  ecclesiam  aedificaverint  :  sed  tantum  docere  vult,  utilius  nobis  esse  eorum  ministerium,  quia  in  saeculorum  fines  incidimus.  Videmus  quam  magnifice  Christi  regnum  extollant,  quam  sint  in  illo  ornando  assidui,  quam  studiose  ad  illud  quaerendum  omnes  stimulent.  Atqui  praesenti  eius  adspectu  privati  sunt  per  mortem.  Quid  hoc  aliud  fuit,  quam  mensam  sternere,  ut  cibis  appositis  alii  postea  vescerentur?  Fide  quidem  delibarunt  quae  nobis  per  eorum  manum  Dominus  fruenda  transmisit:  quin  etiam  in  solidum  animae  cibum  Christi  fuerunt  participes.  Sed  nunc  de  rei  exhibitione  agitur.  Scimus  autem  his  quasi  finibus  inclusum  fuisse  munus  propheticum,  ut  se  et  alios  in  spem  venturi  Christi  alerent.  Ergo  eum  non  nisi  absconditum,  et  quasi  absentem  possidebant.  Absentem  dico,  non  virtute  aut  gratia:  sed  quia  nondum  in  carne  manifestatus  erat.  Quare  et  regnum  eius  sub  involucris  adhuc  latebat.  Denique  in  terram  descendens,  quodammodo  coelos  nobis  aperuit,  ut  spirituales  divitias,  quae  non  nisi  sub  figuris  procul  ostendebantur,  prope  cernere  liceat.  Haec  igitur  Christi  manifestati  fruitio  discrimen  inter  nos  et  prophetas  ostendit.  Unde  colligimus  quomodo  nobis  potius  quam  sibi  ministraverint.  Caeterum  quum  divinitus  admoniti  essent  prophetae,  differri  in  aliud  saeculum  quam  praedicabant  gra-