51:218  met  a  reatu:  quum  paucissimi  ab  annuendi  simulatione  caveant,  ubi  Deum  palam  offendi  cernunt:  dissimulent  vero  fere  omnes?  Potius  tamen  peribunt  centum  mundi  quam  non  stet  firma  Dei  veritas.  Coarguendi  verbum  metaphorae  tenebrarum  respondet.  Nam  eXeyx^v  proprie  est  in  medium  proferre  quod  ante  ignotum  erat.  Quoniam  ergo  impii  sibi  adulantur  in  vitiis,  et  ea  latere,  aut  pro  virtutibus  haberi  volunt:  Paulus  coargui  iubet.  Infructuosa  vocat,  non  modo  quae  nihil  afferant  utilitatis,  sed  etiam  quae  per  se  noxia  sint.  12.  Quae  enim  clam  fiunt.  Vult  ostendere  quantum  profecturi  sint  redarguendo  impios.  Illi,  inquit,  modo  hominum  oculos  lateant,  perpetrare  quidvis,  etiam  flagitia  dictu  horrenda,  sibi  permittunt.  Nam  ut  vulgari  proverbio  dicitur,  Nox  pudore  vacat  :  unde  hoc,  nisi  quia  in  tenebris  ignorantiae  demersi  turpitudinem  suam  nec  vident  ipsi,  nec  videri  a  Deo  et  angelis  cogitant?  At  verbo  Dei,  tanquam  illata  face,  aperiuntur  eorum  oculi.  Ita  pudere  eos  pigereque  incipit.  Sancti  ergo  suis  monitionibus  caecos  infideles  illuminant:  et  ignorantia  obrutos  ex  latebris  suis  protrahunt  in  lucem.  Perinde  ergo  est  ac  si  diceret,  quum  domum  clausam  habent  infideles,  et  ab  hominum  conspectu  subducti  sunt,  t  u  r  p  e  est  vel  d  i  c  e  r  e  quam  nequiter  et  flagitiose  promant  ad  omnem  licentiam.  An  vero,  excusso  pudore,  adeo  fraena  sibi  laxarent,  nisi  tenebrae  facerent  audaciam:  quasi  impune  fiat  quod  fit  in  abdito?  Vos  autem  coarguendo,  quasi  lucem  inferetis,  ut  sua  turpitudine  pudefiant.  Talis  autem  pudor  ex  turpitudinis  suae  agnitione  primus  gradus  est  ad  resipiscentiam.  Id  etiam  est  quod  habetur  prioris  ad  Corinthios  cap.  14,  24,  Si  ingressus  fuerit  infidelis  in  coetum  vestrum,  coarguitur  ab  omnibns,  iudicatur  ab  omnibus  :  et  occulta  cordis  eius  manifesta  fiunt:  ita  procidens  in  faciem,  adorat  Deum.  Nisi  quod  hic  translatione  usus  est.  Erasmus,  mutando  verbum  coarguendi,  totum  sensum  corrupit.  Huc  enim  intendit  Paulus,  non  fore  sine  fructu,  si  opera  infidelium  coarguantur.  13.  Omnia  autem.  Quia  medium  est  participium  quod  hic  legitur,  tam  passive  quam  active  verti  potest.  Vetus  interpres  passivam  significationem  praetulit.  Quod  si  placeat  sequi,  nomen  l  u  c  i  s  perinde  valebit  ac  lucidum,  ut  prius.  Et  tunc  sensus  erit,  conspicua  fore  mala  opera  quae  latebant,  postquam  verbo  Dei  manifestata  fuerint.  Si  active  sumamus,  duplex  adhuc  esse  expositio  poterit.  Prior,  quidquid  manifestat,  est  lux.  Secunda,  quod  manifestat  quidvis  vel  omnia,  lux  est.  Ut  singularis  numerus  valeat  pluralem.  Neque  hoc  impedit  articulus,  quod  Erasmus  veritus  est:  quia  non  tam  exacte  unumquemque  articulum  suo  loco  ordinare  solent  apostoli,  et  inter  elegantes  etiam  scriptores  id  esset  tolerabile.  Ego  sane  non  aliam  21&