5:218  etc.  Manducemus  et  bibamus,  cras  enim  moriemur.  Satius,  inquit,  esset  illud  valere  inter  nos,  Manducemus,  etc.  si  haec  quae  patimur  in  corporibus  nostris  opprobria,  non  ea,  quam  speramus,  gloria  mutarentur.  Quod  non  futurum  est,  nisi  in  resurrectione  carnis.  Deinde  ut  hoc  praesidio  cedam,  possum  hic  alteram  rationem  addere.  Ideo  nos  esse  omnibus  hominibus  miserabiliores,  si  non  sit  resurrectio.  Quia  tametsi  ante  resurrectionem  beati  sumus,  non  tamen  sine  resurrectione.  In  hoc  enim  beatos  esse  sanctorum  spiritrs  dicimus,  quia  acquiescunt  in  spe  beatae  resurrectionis:  quae  si  non  esset,  periret  haec  omnis  beatitudo.  Est  igitur  verum  illud  Pauli,  nos  esse  miserabiliores  omnibus  hominibus,  si  non  sit  resurrectio.  Nec  cum  illis  verbis  pugnat  hoc  dogma:  beatos  esse  sanctorum  spiritus,  ante  resurrectionem,  sed  propter  resurrectionem.  Proferunt  etiam  quod  in  epistola  ad  Hebraeos  legitur,  de  veteribus  patribus  (Hebr.  11,  13  ss.).  Iuxta  fidem  defuncti  sunt  omnes  isti,  non  acceptis  promissionibus:  sed  a  longe  eas  salutantes,  quia  peregrini  et  hospites  sunt  super  terram.  Qui  enim  hoc  dicunt,  significant  se  patriam  inquirere.  Et  si  quidem  ipsius  meminissent^  de  qua  exierunt,  habebant  utique  potestatem  revertendi:  nunc  autem  meliorem  [fol.  39]  appetunt,  id  est,  coelestem.  Unde  in  hunc  modum  ratiocinantur:  Si  appetunt  patriam  coelestem,  ergo  non  possident.  Nos  vero  sic:  Si  appetunt,  ergo  sunt:  non  enim  cadit  appetitus,  nisi  in  subiectum.  Et,  quod  ab  illis  solum  exprimere  conor,,convenit  esse  sensum  boni  et  mali,  ubi  est  appetitus,  qui  aut  sequatur,  quod  boni  speciem  praefert,  aut  refugiat,  quod  malum  visum  fuerit.  Appetitus  ille,  dicant,  iacet  in  Deo.  Quo  nihil  magis  ridiculum  cogitari  aut  fingi  potest.  Siquidem  e  duobus,  alterum  evincimus:  aut  Deum  quidpiam  appetere  melius  quam  habet:  aut  aliquid  esse  in  Deo,  quod  non  sit  Dei.  Quae  res  mihi  coniecturam  facit,  in  re  seria  eos  ludere.  Atque  ut  haec  omittamus,  quid  vult  sibi  revertendi  potestas?  Redeant  itaque  ad  cor,  et  aliquid  melius  audiant,  quam  hactenus  senserunt.  Si  tamen  persuasum  habent,  quod  in  primis  labris  circumferunt.  Loquitur  apostolus  de  Abraham  et*  eius  posteritate,  qui  inter  extraneos  habitarunt  in  terra  aliena:  tantum  non  exsules,  certe  inquilini,  vix  corpora  tegentes  humilibus  tuguriis:  iuxta  Dei  praeceptum  quod  Abrahae  datum  fuerat,  ut  exiret  de  terra  sua  et  de  cognatione  sua.  His  promiserat  Deus,  quod  nondum  exhibuerat.  Salutaverunt  ergo  eminus  promissiones,  et  in  certa  fide  defuncti  sunt,  fore  olim,  ut  praestaret  Deus  promissa  sua.  Iuxta  quam  fidem  confessi  sunt,  non  esse  sibi  statam  sedem  in  terris,  et  extra  terram  sibi  esse  patriam,  quam  appeterent:  nempe  in  coelo.  In  fine  vero  capitis  significat  eos  omnes,  quos  recensuit,  non  adeptos  esse