29:218  qu'il  y  ait,  demeurent  en  leur  degre  et  en  leur  place,  et  qu'elles  n'ont  point  occuppe  le  lieu  de  Dieu,  ni  son  empire  souverain.  LE  DEUXIESME  SERMON  SUR  LE  CHAP.  xxxiV.  V.  7.11.  DU  MERCREDI  15K  DE  IUILLET  1556.  Il  estoit  besoin  que  les  Iuifs  apres  la  mort  de  Moyse  cogneussent  le  bien  que  Dieu  leur  avoit  fait  par  le  moyen  d'un  tel  homme:  car  nous  savons  que  les  graces  de  Dieu  se  mettent  bien  tost  en  oubli,  et  sur  tout  en  cest  endroit  les  hommes  declarent  leur  malice.  Car  combien  qu'ils  soyent  conveincus  que  Dieu  les  aura  aidez,  voire  avec  signes  et  miracles:  si  est  ce  qu'ils  voudroyent  passer  cela  tantost.  Pour  ceste  cause  notamment  il  est  ici  dit:  Que  Moyse  a  eu  sa  vigueur  et  toutes  ses  forces  iusques  a  V  aage  de  six  vingts  ans.  Or  nous  savons  ce  qui  est  escrit  en  son  Cantique,  au  Pseaume  90.  que  depuis  que  l'homme  vient  a.  soixante  ans,  il  n'y  a  plus  sinon  fascherie  et  chagrin,  qu'il  n'y  a  que  douleur,  qu'il  ne  se  fait  que  trainer  et  languir.  Voila  que  c'est  de  nostre  vie.  Encores  que  nous  ayons  este  robustes,  si  est-ce  qu'on  nous  voit  defaillir  a  veue  d'oeil,  quand  on  passe  les  soixante  ans:  et  c'est  grande  chose  qu'un  homme  parvienne  iusques  la,  ie  di  en  telle  force.  Or  maintenant  quand  il  est  recite  que  Moyse  est  parvenu  au  double  :  en  cela  voit-on  que  Dieu  l'a  fortifie  outre  la  facon  commune  des  hommes.  Et  ce  n'a  pas  este  seulement  a  cause  de  luy,  mais  afin  qu'il  peust  suffire  a  la  charge  qui  luy  estoit  commise.  Si  le  peuple  n'eust  pas  este  ingrat,  encores  falloit-il  qu'il  fust  introduit  en  la  terre  promise,  et  alors  Moyse  y  fust  entre  :  mais  sa  vie  luy  est  prolongee  de  long  temps,  a  cause  de  la  malice  du  peuple.  Or  ici  nous  voy/  ons  une  bonte  admirable  de  Dieu  :  car  puis  que  le  peuple  est  condamne  a  mourir  au  desert,  c'est  a  dire,  tous  ceux  qui  alors  avoyent  discretion  de  bien  et  de  mal  :  si  Moyse  fust  trespasse  quant  et  quant,  c'estoit  une  grande  desolation.  Or  Dieu  1e  reserve:  combien  qu'il  chastie  le  peuple,  tant  y  a  qu'encores  il  modere  sa  rigueur.  Nous  voyons  donc  ici  (en  somme)  que  Dieu  n'a  point  voulu  punir  le  peuple  en  telle  extremite,  quand  il  luy  declaira  qu'il  mourroit  au  desert,  qu'encores  il  n'ait  proveu  a  ce  qui  estoit  le  principal,  c'est  assavoir  qu'il  y  eust  un  bon  conducteur.  Car  c'est  un  thresor  inestimable.  Et  puis  nous  voyons  comme  Dieu  a  besongne  en  Moyse  d'une  vertu  qui  n'estoit  point  commune  aux  hommes,  c'est  assavoir,  qu'en  l'aage  de  six  vingts