27:218  nous  sommes  rudes,  et  grossiers,  et  contentons-uous  que  Dieu  nous  saura  bien  enseigner  quand  nous  l'aurons  pour  maistre  et  docteur  :  et  puis  que  nous  avons  sa  parolle,  qu'un  chacun  se  tienne  en  ces  bornesla,  et  que  nous  ne  facions  point  des  chevaux  eschappez.  Or  quand  Moyse  a  parle  ainsi,  il  dit:  Tu  ne  feras  pas  a  TEternei  ton  Dieu  ce  que  ces  peuples  ici  ont  fait.  Comme  s'il  disoit,  qu'il  ne  nous  faut  point  regarder  aux  hommes,  quand  nous  voudrons  bien  servir  a  Dieu:  mais  que  sa  seule  volonte  nous  soit  pour  reigle,  comme  il  adioustera  pour  conclusion  en  la  fin.  Notons  bien  donc  qu'il  n'y  a  rien  pire,  que  nous  conformer  a  ce  que  nous  avons  veu,  quand  il  est  question  du  service  de  Dieu.  Et  voila  qui  a  este  cause  de  tant  de  meslinges  en  la  Chrestiente,  que  tout  y  a  este  confus:  il  ne  faut  qu'un  peu  de  levain  pour  aigrir  toute  une  paste.  Or  on  a  apporte  tant  de  levain,  qu'on  a  infecte  toute  la  droicture,  a  laquelle  Dieu  appelloit  les  siens.  Car  comme  nous  avons  declaire  par  ci  devant,  on  a  pense  qu'il  seroit  bon,  au  lieu  que  les  Payens  avoyent  fait  ceci  ou  cela,  d'introduire  des  facons  qui  eussent  quelque  conformite.  Voila  les  Payens  qui  ont  adore  une  telle  idole,  ils  ont  celebre  une  telle  feste  en  un  tel  iour:  il  faut  donc  qu'a  ce  iour-la  nous  mettions  une  feste  d'un  tel  sainct.  Voire,  mais  ils  n'ont  que  change  le  nom  de  l'idole,  et  ont  tant  plus  faussement  abuse  du  nom  de  Dieu:  selon  qu'ils  en  ont  approche,  et  qu'ils  ont  prins  couverture  d'iceluy,  il  a  este  tant  plus  prophane.  Ainsi  de  tous  les  idoles  des  Payens  on  a  fait  un  eschange,  qu'on  a  prins  les  saincts,  et  les  sainctes,  et  en  a-on  fait  des  idoles.  D'autant  que  ceci  a  este  cause  de  pervertir  tout,  tant  plus  nous  faut-il  estre  advisez  de  ce  qui  nous  est  ici  declaire  par  Moyse,  c'est  assavoir  que  Dieu  ne  demande  point  qu'on  luy  face  comme  font  les  povres  ignorans  et  incredules  a  leurs  idoles:  que  si  nous  voulons  cheminer  droit,  il  nous  faut  garder  de  nous  conformer  a  ce  que  nous  pourrons  voir  et  ca,  et  la.  Il  est  vray  que  selon  que  nous  sommes  charnels,  nous  trouverons  beau  ce  qui  a  este  fait  par  les  nommes:  mais  que  gagnerons-nous  d'apporter  ici  nostre  poids  et  balance?  Car  Dieu  veut  estre  escoute,  et  nous  aurons  beau  barguigner,  pour  dire:  I'ay  cuide  bien  faire.  Tout  cela  n'est  rien  :  il  faut  que  tout  cela  soit  rabbattu.  Voila  pourquoy  Moyse  en  ce  passage  notamment  presuppose,  que  Dieu  ne  veut  point  qu'on  luy  face  comme  ont  fait  ies  povres  incredules  a  leurs  idoles.  Et  encores  pour  nous  mieux  persuader  le  tout,  il  adiouste,  qu'ils  ont  fait  ce  qui  estoit  abomination  devant  Dieu,  comme  de  passer  Ieurs  enfans  par  le  feu.  Ici  Moyse  sous  une  espece  monstre  que  les  povres  Payens  ont  este  desbordez  en  des  choses  si  brutales,  que  quand  on  y  pensera  bien,  on  aura