20:218  qui  procede  d'eux,  tellement  que  craignant  cela  ie  n'y  voulois  pas  mettre  la  main,  et  avois  supplie  sa  maieste  d'y  employer  une  partie  de  ceux  qui  puis  apres  l'omologueroyent.  Au  commandement  que  ie  deliberois  de  faire  faire  ces  lois  la,  i'esperois  que  ce  seroit  le  bout  de  ma  charge  en  ce  pays,  si  i'avois  visite  quelques  eglises,  qui  en  ont  plus  besoin,  ou  desquelles  les  ministres  sont  les  plus  mal  faconnes,  et  puis  ie  deliberois  de  m'en  retourner.  Ceste  mienne  deliberation  a  este  augmentee  longtemps,  iusques  a  quelque  chose  qui  est  survenue.  Combien  que  la  royne  ayt  tousiours  un  fort  grand  zele,  neantmoins  ce  que  ie  craignois  est  advenu  et  si  crains  pis.  Car  ceste  ardeur  delaquelle  elle  brusloit  pour  abolir  la  papaute  est  refroidie  par  la  pratique  de  quelques  uns.  Depuis  qu'on  nous  apportast  des  nouvelles  que  les  Espagnols  estoyent  sur  les  frontieres  prests  a  se  ruer  sur  ce  pays,  combien  que  par  le  moyen  de  quelques  espions  que  i'y  envoyay  on  trouvast  la  chose  fausse,  neantmoins  cela  l'avoit  tellement  espouvantee  que  depuis  elle  n'a  este  si  bien  asseuree  et  m'a  este  impossible  de  la  remettre  sus.  Il  est  vray  que  i'eusse  faict  quelque  chose  si  ceux  qui  avoyent  faict  semer  ces  bruicts  n'eussent  poursuyvi  a  leur  entreprinse,  a  savoir  en  faisant  semer  des  bruicts,  tantost  que  le  roy  de  France  se  vouloit  saisir  de  ce  pays,  tantost  que  c'estoit  le  roy  d'Espagne,  et  qu'il  y  avoit  des  intelligences  et  avoit  gens  tous  prests,  tantost  que  Montluc  avoit  gens  tous  prests  pour  nous  courir  sus,  tantost  que  c'estoit  Monsr,  de  Damville.3)  Car  combien  qu'on  a  cognu  cela  estre  faux  si  en  a  elle  este  comme  toute  estourdie  de  peur,  laquelle  n'a  pas  este  amoindrie  quand  Fadiournement  que  le  pape  luy  faict,4)  a  este  ici  apporte,  quelque  semblant  qu'elle  face  du  contraire.  Mais  quand  elle  a  eu  delibere  d'aller  a  la  cour,  et  qu'a  la  solicitation  de  3)  Henri  de  Montmorency  baron  d'Anviile,  marechal  de  France,  ne  en  1534.  4)  Eordenave  p.  120:Le  pape  Pie  IV.  commenca  de  fulminer  les  foudres  de  ses  excommunications  et'  interdits  contre  la  Princesse  et  la  fit  adjourner  (le  28.  Sept.)  par  une  citation  affigee  par  les  cantons  de  la  ville  de  Borne,  pour  comparoistre  devant  l'inquisition  dedans  six  mois,  sur  peine  incontinent  apres  le  terme  escheu  d'estre  solemnellement  excommuniee,  tous  ses  biens  confisquez  et  mis  en  interdit,  pour  pouvoir  estre  occupez  par  le  premier  qui  auroit  la  volunte  et  puissance  de  ce  faire.  Le  roy  de  France  fit  remonstrer  au  Pape  qu'il  avoit  trouve  estrange  la  procedure  faite  contre  sa  tante,  et  de  pernicieux  exemple  pour  soy  et  d'autres  souverains.  Parquoy  il  supplioit  S.  S.  vouloir  faire  cesser  ceste  voye  .  .  .  .  Or  soit  que  le  Pape  fut  retenu  par  ceste  remonstrance  ou  qu'il  eut  quelque  autre  consideration,  cette  poursuite  ne  passa  plus  outre  pour  lors.  Et  la  Royne  appela  comme  d'abus  de  toute  la  procedure  du  Pape  au  concile,  et  trouva  moyen  par  quelques  siens  serviteurs  de  fere  plaquer  su  dite  appelation  en  quelques  cantons  a  Rome.  (Comp.  de  Thou  III.  442  s.  Muret,  Hist.  de  /  .  d'Albret  p.  159  ss.)