10.1:218  QUUM  MINISTRI  VETERANI  CONTEMPTU  TURBAE  INCOMMODE  IN  ECCLESIA  SUBORTAE  ESSENT.  l)  Plurimum  dolet,  fatres  dilectissimi,  non  offerri  potius  occasionem  gratulandi  vobis  de  prospero  ecclesiae  vestrae  statu,  quam  significandi  vobis  quam  moleste  tuleriin,  quod  tristia  ad  me  de  vobis  perlata  sint.  Iam  enim  acerbus  fuit  de  optimi  fratris  N.  morte  nuncius,  quum  in  illo  vobis  oblatus  esset  a  Domino  pastor  opportunissimus  et  vere  fidelis:  quod  est  rarius,  his  temporibus  maxime,  quum  qui  se  sincere  Domini  operi  impendant,  pauci  reperiuntur.  Ac  iam  vobis  exploratum  esse  non  dubito,  et  quam  utilis  esset  illius  opera,  et  quam  integre  se  inter  vos  gereret.  Et  tamen  spero  illum  qui  a  vobis  iam  electus  est,  fidelem  etiam  operam  praestaturum,  pro  Dei  gratia  in  ipsum  collata,  ut  vos  destitui  non  contingat:  modo  etiam  videatis  ne  alii  interea  exuti  maneant,  ut  omnino  vos  facturos  spero,  quum  ista  inter  vos  et  ilios  fratres  ex  communi  consensu  tractari  existimem,  et  ipsorum  angustiae  fidem  vestram  mplorent.  Illud  vero  me  ad  scribendum  impulit,  aegritudo  nempe  animi  mei,  quam  vestrae  contentiones  et  iurgia  mihi  conciliant,  quorum  nullum  finem  video.  Putabam  enim  omnia  consopita  esse,  ac  Deo  eo  nomine  gratias  egeram,  maxime  ubi  ab  optimo  fratre  N.  istorum  teste  idoneo,  ita  se  rem  habere  accepissem.  Atque  illud  vulneris  illius  mei  acerbitatem  parit,  quum  vigere  malum  audio,  quod  exstinctum  audieram.  Agebatur  ante  de  quibusdam,  quae  in  fratre  N.  desiderabatis,  quibus  illa  medicina  adhibita  fuerat,  qua  vobis  idonee,  ut  existimo,  satisfactum  esse  oporteret:  quum  et  ipse  nominatim  censurae  sese  submisisset.  Nunc  novam  litem  exortam  audio,  quod  plerique  illum  pro  pastore  habere  detrectent,  nisi  abire  ministerio  iussus  novae  electioni  subiiciatur.  Ego  vero  tacere  non  possum,  videri  mihi  illos  mali  consilii  autores,  qui  omnia  ita  ad  vivum  resecant,  quod  ad  ecclesiae  aedificationem  nullo  modo  faciat.  Equidem  non  teneo  quomodo  istic  primum  sit  institutus  pastor,  et  ministerio  fungi  coeperit.  Si  electio  in  forma  sua  locum  habuisset,  nullus  esset  hodie  controvertendi  locus.  Sed  demus  rem  non  carere  defectu  aliquo.  Expendite  interea,  quum  aliquis  exsistit  in  regione  extranea  qui*  postulet  sibi  dari  locum  et  facultatem  colligendi  gregis  Domini,  annon  qui  illic  adsunt  et  in  ministerium  primum  consentiunt,  re  ipsa  illum  elegisse  dicendi  sint,  etiamsi  nulli  tum  ritus  accedant?  Illud  vero  mihi  ingratitudinis  plenum  videtur,  si  successu  temporis  ille  reiicitur,  cuius  opera  erecta  fuerit  ecclesia:  ac  iam  il-  1)  Epp.  et  Responsa  ed.  Genev.  p.  349,  Laus.  p.  227,  Hanov.  p.  254,  Chouet  pt.  479,  Amst.  p,  219.  Galhcum  archetypum  deperditum  est.