7:217  217  DES  LIBERTINS.  218  sie,  nostre  Seigneur  luy  decouvre  sa  maladie  qui  luy  estoit  cachee.  Il  estoit  riche  et  avoit  son  affection  a  ses  biens:  et  ne  eongnoissoit  point  que  cela  fust  vice.  Nostre  Seigneur  donc  le  vient  gratter  sur  sa  rongne,  a  fin  qu'il  congnoisse  son  mal,  et  qu'il  ne  se  vante  plus  d'avoir  accomply  des  son  enfance  tous  les  commandemens  de  la  loy.  Dequoy  il  estoit  bien  loing.  C'est  donc  une  lourde  sottise,  de  tirer  ceste  sentence  qui  a  servy  a  esprouver  le  cueur  d'un  homme  en  especial,  pour  en  faire  une  doctrine  universelle.  Au  reste  c'est  bien  raison  qu'un  chacun  de  nous  soit  prest,  non  seulement  a  vendre  mais  a  perdre  ce  qu'il  a,  pour  l'honneur  [page  167]  de  Dieu:  et  que  ceux  qui  ont  abondance  de  biens  en  main  soyent  neantmoins  povres  de  cueur.  Mais  nous  voyons  bien  que  la  vendition  actuelle  n'est  par  requise  de  tous  ceux  que  nostre  Seigneur  instruit  a,  perfection  chrestienne,  pour  dire  qu'ilz  ne  puissent  estre  chrestiens  sans  se  desnuer  de  tous  leurs  biens.  Ilz  ont  semblablement  ce  qui  est  escrit  aux  Actes  (4,  32  ss.),  que  nul  des  disciples  ne  disoit  rien  de  ce  qu'il  avoit,  estre  sien:  mais  que  tous  apportoyent  leur  substance  aux  piedz  des  apostres.  Mesme  que  ceux  qui  avoient  champs  et  possessions  les  vendoyent,  pour  en  faire  argent,  a  fin  de  subvenir  a  l'indigence  des  povres.  C'est  certes  un  bel  exemple  que  cestuy-la,  moyennant  qu'il  fust  bien  applique.  Et  plust  a  Dieu  qu'il  y  eust  auiourdhuy  une  telle  affection  de  charite  en  tous  ceux  qui  se  nomment  Chrestiens.  Car  chacun  seroit  subvenu  en  sa  necessite:  et  les  biens  que  Dieu  nous  donne  seroyent  autrement  departis  en  meilleure  sorte  que  ilz  ne  sont  pas.  1)  Mais  ces  accariastres2)  imaginent  bien  une  autre  chose,  que  n'a  pas  voulu  dire  sainct  Luc.  Parquoy  a  fin  de  ne  point  tomber  en  ceste  resverie,  de  laquelle  ilz  se  decoyvent,  et  troublent  le  monde:  advisons  quelle  communication  de  biens  denote  sainct  Luc,  en  disant  que  nul  n'appelloit  propre  ce  qu'il  avoit.  C'est  une  facon  de  parler  qui  est  commune  a  tous  langages,  de  dire,  en  parlant  d'un  homme  liberal,  qu'il  n'a  rien  a  soy,  d'autant  qu'il  a  tousiours  la  main  ouverte,  pour  secourir  a  ceux  qui  ont  faute.  Par  plus  forte  raison,  quand  il  y  auroit  une  compaignie  d'amis,  d'un  si  bon  accord,  que  l'un  ne  voulust  point  faillir  a  l'autre  au  besoing:  mais  que  chacun  fust  prest  d'aider  a  son  prochain:  on  pourroit  dire  que  telles  gens  n'ont  rien  de  propre.  Voire,  combien  que  ce  pendant  chacun  tiendroit  son  mesnage,  iouyroit  de  son  bien,  auroit  le  maniement  de  ses  possessions  et  de  sa  chevance,  sans  que  tout  fust  mis  en  un  monceau  comme  en  confus.  Telle  estoit  1)  quam  hodie  fieri  solet.  2)  vertiginosi.