55:217  217  CAPUT  I.  218  stitit,  quin  patienter  sustinerent,  quamdiu  eam  differre  Domino  placebat.  Porro  in  vaticiniis  notationem  temporum  quaerere,  mihi  supervacuum  videtur,  quando  hic  non  quid  docuerint  prophetae,  sed  quid  optarint,  agitur.  Ubi  latini  interpretes  verterunt,  de  futura  gratia:  ad  verbum  legitur,  de  gratia  quae  erga  vos  est.  Verum  quia  idem  manet  sensus,  nolui  quidquam  mutarew  Hoc  magis  observatu  dignum,  quod  prophetas  non  dicit  proprio  sensu  scrutatos  esse  quo  temporis  articulo  adveniret  Christi  regnum,  sed  tantum  applicasse  sua  studia  ad  revelationem  spiritus��,.  Ita  nos  suo  exemplo  discendi  sobrietatem  docuerunt,  quia  non  ultra  progressi  sunt,  quam  eos  spiritus  ducebat.  Et  certe  nullus  humanae  curiositatis  erit  modus,  nisi  spiritus  Dei  ingeniis  praesideat:  ne  quid  aliunde  quam  ab  ipso  discere  appetant.  Atque  etiam  res  altior  est  spirituale  Christi  regnum,  quam  ut  in  eius  investigatione  quidquam  mens  humana  proficiat,  nisi  spiritum  habeat  directorem.  Quare  nos  quoque  huius  fraeni  moderationi  subiicere  docet.  l  l  .  Qui  in  illis  erat  spiritus  Christi.  Primum,  qui  in  i  l  l  i  s  erat:  deinde  testificans,  hoc  est,  ad  reddendum  testimonium.  Qua  loquutione,  praeditos  spiritu  intelligentiae  fuisse  prophetas  significat,  et  quidem  non  vulgarem  in  modum,  utpote  qui  nobis  magistri  et  testes  fuerint:  nec  tamen  lucis  huius,  quae  nobis  manifestata  est,  fuisse  compotes.  Interea  haec  eximia  est  doctrinae  eorum  laus,  dum  vocatur  spiritus  sancti  testimonium.  Nam  quamvis  homines  praecones  ac  ministri,  ille  tamen  autor  fuit.  Nec  temere  Christi  spiritum  tunc  dominatum  fuisse  tradit:  evangelii  autem  doctoribus  spiritum  praeficit  e  coelo  emissum.  Significat  enim  evangelium  a  Deo  profectum  esse,  et  veteres  prophetias  a  Christo  dictatas.  Venturas  in  Christum  afflictiones.  Ut  aequiore  animo  suas  afflictiones  ferant,  iam  olim  a  spiritu  praedictas  fuisse  admonet.  Sed  multo  plus  complectitur:  docet  enim,  hoc  christianae  ecclesiae  regimen  ab  initio  divinitus  fuisse  constitutum,  ut  crux  praeparatio  esset  ad  triumphum:  et  mors,  transitus  ad  vitam:  idque  clare  fuisse  testatum.  Quare  non  est  cur  nos  afflictiones  ultra  modum  deiiciant,  quasi  in  illis  essemus  miseri:  quandoquidem  spiritus  Dei  nos  beatos  pronuntiat.  Hic  ordo  notandus  est,  quod  passiones  statuit  priore  loco:  deinde  addit  sequuturas  glorias.  Significat  enim  non  posse  hanc  rationem  mutuari  vel  praeverti,  quin  gloriam  praecedant  afflictiones.  Ita  duplex  subest  in  his  verbis  sententia:  quod  prius  multis  aerumnis  premi  Christianos  oporteat,  quam  gloria  fruantur:  et  miseras  non  esse  eorum  afflictiones,  quia  proximam  gloriam  sibi  annexam  habeant.  Quum  hunc  contextum  Deus  ordinaverit,  alteram  partem  ab  altera  divellere  nostrum  non  est.