50:217  217  CAPUT  III.  218  invocandum  :  ita  mediator  semper  fuit  omnis  doctrinae:  quia  per  ipsum  semper  Deus  se  hominibus  patefecit.  Et  hoc  nominatim  exprimere  voluit,  ut  discerent,  Galatae,  eundem,  qui  fundamentum  sit  gratuiti  foederis,  primas  etiam  tenuisse  in  lege  promulganda.  20.  Porro  mediator  unius  non  est.  Tametsi  hic  nonnulli  de  duplici  Christi  natura  philosophantur,  quasi  Paulus  intellexisset,  non  unius  essentiae:  tamen  de  ipsis  contrahentibus  Paulum  loqui,  nemo  sani  iudicii  dubitat.  Atque  ita  communiter  exponunt,  non  esse  locum  mediatori,  nisi  dum  una  pars  cum  altera  negotium  habet.  Quorsum  autem  hanc  sententiam  inseruerit,  fere  in  suspenso  relinquunt:  quum  tamen  locus  sit  dignus  singulari  observatione.  Potest  autem  esse  prolepsis,  qua  Paulus  occupet  impiam  cogitationem  de  mutatione  divini  consilii.  Diceret  enim  quispiam  apud  se:  Ergo  quemadmodum  pacta  sua  retractare  solent  homines,  quorum  ipsos  poenitet  :  ita  etiam  factum  est  de  pactis  Dei.  Si  illum,  quem  dixi,  sensum  sequaris,  tum  Paulus  priore  membro  fateretur  homines  quidem,  qui  varii  sunt  et  instabiles,  caput  unum  in  hoc  contractu  facere,  sed  tamen  Deum  nihilominus  manere  unum,  hoc  est  sibi  constare,  neque  nutare  pro  hominum  inconstantia.  Caeterum  quum  propius  omnia  intueor,  potius  diversitatem  hic  notari  arbitror  inter  Iudaeos  et  gentiles.  Non  unius  ergo  mediator  est  Christus,  quia  diversa  est  conditio  eorum  quibuscum  Deus,  ipsius  auspiciis,  paciscitur  quod  ad  externam  personam.  Verum  Paulus  inde  aestimandum  Dei  foedus  negat,  quasi  secum  pugnet  aut  varium  sit  pro  hominum  diversitate.  Nunc  clara  sunt  verba.  Sicuti  olim  Iudaeis  Deum  conciliavit  Christus  in  foedere  paciscendo:  ita  nunc  gentium  est  mediator.  Multum  a  Iudaeis  differunt  gentes:  nam  per  circumcisionem  et  caeremonias  interposita  est  maceries.  Illi  propinqui  Deo  fuerunt,  quum  gentes  essent  remotae.  Non  tamen  propterea  Deus  sibi  constare  desinit.  Hoc  fit  dum  Christus  eos,  qui  prius  inter  se  dissedebant,  ad  unum  Deum  adducens,  facit  etiam  ut  in  unum  corpus  coalescant.  Unus  ergo  Dens,  quia  semper  manet  sui  similis,  ac  perpetuo  tenore  fixum  tenet  ac  statum,  quod  semel  decrevit.  21.  Lexne  igitur.  Quamquam,  cognita  certitudine  ac  constantia  divini  propositi,  simul  constitui  necesse  est,  non  esse  contraria  quae  ab  ipso  manant:  tamen  solvendus  fuit  hic  nodus,  propter  speciem  repugnantiae,  quae  inter  lege  met  foedus  gratiae  apparet.  Potest  etiam  esse  exclamatio,  qua  Paulus,  sublata  dubitatione  contradictionis,  quasi  evicta  causa,  exclamet,  inserens  ex  superioribus,  tanquam  indubium  :  Quis  nunc  audeat  dissidium  fingere  inter  legem  et  promissiones?  Neque  tamen  hoc  impedit  quin  Paulus  hic  difficultates,  quae  adhuc  occurrere