49:217  217  CAPUT  XI.  218  ipsum  penetrat,  quod  scilicet  sensus  omnes  occupet  brutus  stupor,  postquam  in  hanc  amentiam  traditi  suni  homines,  ut  contra  veritatem  virulentis  stimulis  se  acuant  Neque  enim  vertiginis  modo  spiritum  vocat,  sed  compunctionis,  ubi  scilicet  quaedam  sellis  amaritudo  se  prodit:  imo  etiam  furor  in  respuenda  veritate.  Arcano  autem  Dei  iudicio  sic  dementari  reprobos  pronuntiat,  ut  attoniti  nihil  prorsus  iudicent.  Nam  quod  videndo  dicuntur  nihil  videre,  in  eo  notatur  sensuum  omnium  hebetudo.  Addit  autem  de  suo  Paulus  usque  in  hodiernum  diem:  ne  quis  excipiat  olim  impletum  fuisse  vaticinium  illud,  ideoque  perperam  ad  tempus  promulgati  evangelii  trahi  :  hanc  obiectionem  praevenit,  subindicans  non  unius  tantum  diei  fuisse,  quae  illic  describitur,  excaecationem,  sed  cum  insanabili  populi  pertinacia  usque  ad  Christi  adventum  durasse.  9.  Et  David  dicit.  Io  hoc  quoque  testimonio  Davidis  facta  est  aliqua  verborum  commutatio,  sed  quae  sensum  non  violat.  Sic  enim  loquitur:  Fiat  mensa  eorum  coram  ipsis  in  laqueum,  et  pacifica  eorum  in  captionem  :  de  retributione  nulla  mentio.  De  rei  summa  satis  convenit.  Illic  vates  impiis  imprecatur,  ut  quidquid  alioqui  est  in  vita  optabile  et  beatum,  in  ruinam  et  exitium  ipsis  cedat.  Idque  per  mensam  et  pacifica  designat.  Deinde  in  caecitatem  spiritus  et  virium  enervationem  eos  devovet:  quarum  alteram  oculorum  obtenebratione,  alteram  dorsi  incurvatione  significat.  Porro  ad  totam  fere  gentem  extendi  mirum  non  est,  quum  sciamus  non  solum  primores  Davidi  fuisse  infestos,  sed  promiscuum  quoque  vulgus  fuisse  adversum,  ut  facile  appareat,  quae  illic  leguntur,  non  in  paucos  duntaxat,  sed  in  multitudinem  competere.  Imo  si  reputamus  cuius  imago  fuerit  David,  facilis  etiam  erit  in  opposito  membro  anagoge.  Quum  ergo  haec  imprecatio  omnes  Christi  adversarios  maneat,  ubi  cibus  illis  in  venenum  convertatur  (quemadmodum  videmus  evangelium  esse  illis  odorem  mortis  in  mortem),  cum  hur  militate  et  tremore  Dei  gratiam  amplexemur.  Adde  quod,  quum  David  de  Israelitis  loquatur,  qui  ex  Abraham  geniti  erant  secundum  carnem,  et  qui  tunc  primas  in  regno  tenebant,  eius  testimonium  Paulus  huc  congruenter  aptat,  ne  magnae  partis  populi  excaecatio  nova  aut  insolita  videatur.  l  l  .  Dico  igitur,  num  impegerunt  ut  cor  ruerent?  Absit.  Sed  eorum  lapsu  salus  contigit  gentibus  in  hoc  ut  ipsi  ad  aemulationem  provocarentur.  12.  Si  vero  eorum  lapsus  divitiae  sunt  mundi:  et  imminutio  eorum  divitiae  gentium,  quanto  magis  complementum  ipsorum?  13.  Vobis  enim  dico  gentibus,  quatenus  certe  ego  gentium  sum  apostolus,  ministerium  meum  illustro:  14.  si  quo  modo  ad  aemulationem  provocavero  carnem  meam  et  aliquos  ex  ea  salvos  fecero.  15.  Si  enim  reiectio  eorum  reconciliatio  est  mundi:  quid  assumptio,  nisi  vita  ex  mortuis?  Calvini  opera.  Vol.  XLIX.