29:217  217  SUR  LE  DEUTER.  CHAP.  XXXIV.  218  bien  d'estre  seduits  en  facon  que  ce  soit.  Voila  donc  ce  que  nous  avons  a  noter  quant  a  ce  que  sainct  Iude  enseigne  du  corps  de  Moyse.  Or  il  y  a  encores  ce  mot  qu'il  met:  Homme  n1  a  cogneu  le  sepulchre  iusques  auiourdhuy.  Nous  ne  savons  pas  qui  a  este  celuy  des  Prophetes  qui  a  escrit  ce  dernier  chapitre.  Les  Iuifs  diront  bien  que  c'a  este  Iosue:  mais  leur  coniecture  n'est  nullement  fondee:  et  plustost  il  est  vray-semblable  que  le  mesme  Prophete  qui  a  fait  le  recueil  du  livre  de  Iosue,  ait  quant  et  quant  escrit  la  mort  de  Moyse.  Cependant  ce  n'est  pas  sans  cause  qu'il  est  dit:  Que  nul  homme  iusques  auiourd'huy  :  car  c'est  pour  signifier  que  ce  n'est  point  seulement  pour  un  iour  que  Dieu  a  voulu  que  le  corps  de  Moyse  fust  ainsi  cache:  car  on  eust  peu  dire:  Et  bien,  il  est  vray  que  le  corps  de  Moyse  a  este  incogneu  aux  hommes:  mais  c'estoit  pour  le  commencement:  car  les  premiers  bouillons  sont  un  peu  trop  impetueux,  et  Dieu  voyoit  bien  que  le  peuple  pouvoit  estre  esmeu  d'une  affection  trop  grande,  et  qu'il  eust  peu  se  corrompre  par  ce  moyen-la.  Il  ne  se  faut  point  donc  esbahir  si  le  sepulchre  de  Moyse  pour  trois  iours,  pour  un  mois,  ou  pour  un  an  a  este  incogneu:  car  ce  peuple-  la  estoit  trop  enflamme  :  mais  quand  cela  a  este  enseveli,  alors  on  l'a  cogneu.  Or  nostre  Seigneur  monstre  qu'il  a  bien  cogneu  que  les  hommes  sont  subiects  a  idolatrie,  non  point  pour  un  iour  tant  seulement:  mais  que  iusques  en  la  fin  ce  vice-la  est  tellement  enracine  en  nous,  que  si  tost  que  nous  en  avons  quelque  petit  obiect,  nous  sommes  incontinent  desbordez.  Notons  bien  donc  que  nous  devons  estre  sur  nos  gardes,  car  l'idolatrie  n'est  point  pour  un  temps,  mais  pour  iamais:  que  ��ous  prenons  du  ventre  de  la  mere  ceste  maudite  inclination-la,  que  nous  serons  facilement  desbauchez  du  service  de  Dieu.  C'est  donc  ce  que  nous  avons  a  retenir  de  ce  passage.  Et  ainsi,  travaillons  tout  le  temps  de  nostre  vie  a  cheminer  selon  que  Dieu  l'ordonne,  et  gardons  aussi  d'estre  transportez  apres  les  illusions  de  Satan.  Et  quand  nous-nous  serons  maintenus  au  service  de  Dieu,  enseignons  nos  enfans  de  faire  le  semblable,  et  que  tousiours  cela  s'entretienne  au  monde,  a  ce  que  Dieu  soit  servi  de  tous  d'un  commun  accord:  que  si  nous  sommes  lasches  en  cest  endroit,  nous  serons  esbahis  qu'incontinent  le  Diable  aura  gagne  sur  nous,  et  ne  faudra  que  tourner  la  main,  et  voila  un  changement  horrible  qui  aura  tout  corrompu  et  perverti.  Voyans  cela,  que  nous  soyons  fermes  et  constans,  que  nous  ayons  un  tel  zele  de  faire  que  Dieu  soit  purement  adore,  que  cela  ne  demeure  point  seulement  pour  un  iour:  mais  qu'il  continue  iusques  en  la  fin,  et  que  d'aage  en  aage  nous  puissions  protester  que  le  Nom  de  Dieu  est  invoque  sur  nous,  et  qu'il  a  toute  preeminence  :  et  que  les  creatures,  quelque  excellence