27:217  217  SUR  LE  DEUTER.  CHAP.  XII.  218  qui  se  fait  ca  et  la,  pour  estre  subtils  d'en  iuger.  Comme  nous  en  voyons  beaucoup  qui  voudroyent  savoir  toutes  les  religions  du  monde.  Et  a  quel  propos?  Il  leur  semble  qu'ils  ne  seront  point  asseurez  en  la  foy  Chrestienne  s'ils  ne  savent  TA1-  choran  de  Mahomet,  s'ils  ne  cognoissent  toutes  les  diableries  qui  ont  regne  entre  les  Payens,  et  les  Papistes,  s'ils  n'ont  l'esprit  farci  et  enyvre  de  toutes  les  resveries  des  Iuifs:  ils  s'abrutissent  ainsi,  voire  d'une  curiosite  meschante,  et  voit  on  bien  qu'il  n'y  a  eu  en  eux  que  toute  vanite  et  hypocrisie.  Pour  ceste  cause  apprenons  (suyvant  ce  qui  est  ici  declaire  par  Moyse)  de  ne  nous  point  enquester  outre  mesure  de  ce  qui  ne  nous  est  pas  bon.  Nous  voyons  mesmes  qu'en  lisant  la  parolle  de  Dieu  il  nous  faut  user  de  ceste  modestie,  de  ne  point  cercher  de  choses  superflues,  et  ce  qui  n'est  point  en  edification:  que  sera-ce  donc  si  nous  desguisons  la  parolle  de  Dieu,  nous  allant  fourrer  la  ou  nous  ne  pouvons  sinon  insecter  nos  esprits,  et  les  corrompre,  et  les  destourner  de  la  pure  verite?  Il  est  vray  que  ceux  qui  ont  a  batailler,  sont  bien  contraints  de  s'enquerir  des  armures  de  leurs  ennemis,  et  de  leurs  astuces,  et  finesses,  afin  d'en  estre  advertis:  mais  quand  nous  sommes  si  fretillans,  que  sans  occasion  et  sans  necessite  aucune  nous  voulons  savoir  ce  qui  ne  nous  attouche  point,  et  qui  ne  nous  concerne  point:  n'est-ce  pas  tenter  Dieu?  n'est-ce  pas  nous  aller  ietter  aux  filets  que  nous  voyons  nous  estre  tendus  par  Satan?  Et  ainsi,  que  ceux  qui  ont  este  enseignez  purement  en  l'Evangile,  demeurent  la  tout  paisibles,  et  qu'ils  se  contentent  d'estre  approuvez  de  Dieu,  qui  ne  leur  peut  mentir  :  et  qu'ils  .  reiettent  toutes  les  tromperies,  qui  ne  seroyent  sinon  pour  les  envelopper  en  disputes  frivoles  sans  aucun  profit,  ni  sans  aucune  edification  de  leur  foy.  Et  mesmes  nous  voyons  comme  ii  en  est  advenu  a  d'aucuns,  ie  di  de  ces  gens  vollages  qui  se  sont  voulu  enquerir:  et  quand  ii  y  a  eu  une  secte,  qu'il  y  a  eu  quelque  opinion,  il  faut  savoir  que  c'est,  il  en  faut  savoir  disputer.  Et  bien,  qu'ont-ils  gagne  pour  toutes  ces  choses?  Dieu  les  a  delaissez,  qu'ils  ont  este  desprouveus  de  sens,  qu'il  y  a  eu  moins  d'advis  et  de  prudence  en  eux  qu'en  des  petits  enfans:  la  ou  les  choses  estoyent  paisibles,  ils  ont  voulu  tout  remuer,  voire  sans  rime  ne  raison,  qu'ils  n'ont  veu  goutte  en  ce  qui  estoit  si  visible,  et  patent,  qu'il  leur  pouvoit  crever  les  yeux.  Voyans  donc  que  Dieu  punit  ainsi  ces  esprits  bouillans,  et  qui  ne  cessent  de  se  tormenter  en  leur  inquietude,  qui  ne  peuvent  estre  rassasiez,  mais  s'enquierent  de  ce  qui  ne  leur  est  point  profitable:  d'autant  plus  devons-  nous  retenir  la  lecon  que  S.  Paul  nous  monstre,  c'est  de  ne  point  savoir  outre  mesure,  mais  a  sobriete:  que  nous  pensions  a  nostre  petitesse,  que