20:217  217  1563  DECEMB.  218  depuis:  mais  parce  que  ie  n'estois  pas  asseure  que  les  lettres  vous  fussent  rendues,  ie  n'osois  escrire  des  nouvelles  de  par  deca.  Et  vous  asseure  que  i'ay  faict  tout  ce  qui  m'estoit  possible  pour  trouver  messagiers:  mesmes  ie  n'eusse  pas  escrit  par  ceux  cy  si  amplement  si  i'eusse  peu  avoir  autre  moyen  de  vous  escrire,  d'autant  que  ce  sont  marchans  qui  ne  vont  que  iusques  a  Lion.  Pource  que  ie  voyois  qu'il  n'y  avoit  ordre  d'obtenir  de  la  roine  de  Navarre,  ou  plustost  de  ceux  qui  empeschent  l'oeuvre  de  Dieu,  que  l'idolatrie  fut  du  tout  abolie  de  ce  pays,  qu'il  n'y  eust  pour  le  moins  quelque  longueur  de  temps,  laquelle  ceux  qui  ne  veulent  que  dieu  seul  soit  glorifie  cherchoyent  pour  cependant  faire  refroidir  le  zele  de  la  roine,  puis  qu'ils  n'en  pouvoyent  obtenir  d'avantage  (ce  que  ie  prevoyois,  craignois  et  predisois  ouvertement)  ie  sus  contrainct  de  persuader  aux  ministres  de  tenir  un  synode  au  mois  de  Septembre,  ou  les  ministres  que  vous  nous  avies  envoyes  et  autres  fussent  colloques,  un  chacun  selon  sa  portee.  Et  cependant  ie  dressav  quelques  autres  articles  lesquels  ie  pensois  estre  necessaires  d'estre  observes  en  ce  pays,  cependant,qu'il  y  auroit  deux  religions.  Car  les  premiers  prenoyent  pour  fondement  que  toute  la  papaute  en  fust  exterminee.  Cela  fut  faict,  et  depuis  on  a  commence  d'exercer  plus  estroictement  qu'auparavant  la  discipline  ecclesiastique,  d'autant  qu'il  avoit  este  impossible  d'y  mettre  bon  ordre  auparavant,  dont  la  faute  pour  la  plus  grande  partie  en  doit  estre  baillee  a  i'imprudence  (ie  ne  scay  si  ie  dois  dire  ignorance  ou  quelque  chose  de  pis)  de  beaucoup  de  ministres.  Et  pource  que  ie  voyois  une  infinite  de  desordres  es  causes  matrimoniales,  a  cause  qu'elles  sont  traictees  par  les  officiaux  qui  en  iugent  selon  leurs  canons,  et  les  fideles  ne  se  vouloyent  pas  comparoistre  devant  eux:  voyant  aussi  qu'on  faict  en  ce  pays  des  mariages  les  plus  cornus  du  monde,  dont  s'ensuit  une  infinite  de  proces,  ie  suppliay  la  royne  d'y  donner  ordre,  et  pour  ce  faire  qu'elle  commandast  a  quelques  uns  des  conseillers  de  son  parlement  d'y  mettre  la  main,  et  de  me  communiquer  ce  qu'ils  en  auroyent  fait.  Mais  combien  qu'elle  leur  en  ayt  fait  le  commandement  et  qu'ils  facent  profession  de  l'evangile,  neantmoins  ils  n'y  ont  iamais  voulu  mettre  la  main,  craignans,  comme  ie  pense,  que  s'il  y  avoit  quelque  changement  ils  ne  fussent  persecutes  plus  asprement.  Parquoy  i'ay  este  contrainct  d'y  mettre  la  main,  et  ay  suyvi  les  ordonnances  de  Geneve  a  partir  de  ce  que  i'en  ay  veu  la  pratiquer,  excepte  en  quelque  petite  formalite  de  procedure,  a  cause  que  ce  pays  a  une  differente  republique  a  celle  de  Geneve.  Ie  crains  que  cela  ne  puisse  pas  estre  omologue,  a  cause  en  partie  des  conceillers  papistes,  en  partie  aussi  a  cause  que  plusieurs  des  autres  ne  trouvent  rien  bon  si  non  ce