1:217  [CO  1.  217]  4);  item:  Lex  peribit  a  sacerdote,  et  consilium  a  senioribus  (Ez.  7).  Quasi  falsa  sint  Christi  et  apostolorum  vaticinia,  cuiusmodi  ista  sunt:  venient  multi  pseudoprophetae  in  nomine  meo  (Matth.  24);  item:  Ego  scio,  quod  post  discessum  meum  intrabunt  in  vos  (Ephesinae  ecclesiae  episcopos  alloquitur  Paulus)  lupi  graves,  non  parcentes  gregi  et  ex  vobis  ipsis  erunt  viri  loquentes  perversa,  ut  adducant  discipulos  post  se  (Act.  20);  item:  fuerunt  pseudoprophetae  in  populo,  sicut  et  inter  vos  erunt  falsi  doctores,  qui  introducent  sectas,  proditiones  et  caetera,  aliaque  eius  generis  permulta  (1  Petr.  2).  Nec  intelligunt  stolidissimi  homines,  eandem  se  canere  cantilenam,  quam  canebant  olim  illi,  qui  cum  verbo  Dei  belligerabantur,  cum  eadem  qua  nunc  nituntur  fiducia  dicerent:  venite  et  cogitabimus  contra  Ieremiam  cogitationes,  quando  non  peribit  lex  a  sacerdote,  consilium  a  sapiente,  nec  verbum  a  propheta  (Ier.  18).  Quare,  ut  millies  episcoporum  concilia  nominent,  parum  promovebunt.  Nec  ante  efficient,  ut  credamus  quod  contendunt,  regi  a  spiritu  sancto,  quam  fidem  fecerint,  congregari  in  Christi  nomine;  siquidem  tam  possunt  impii  improbique  episcopi  adversus  Christum  conspirare,  quam  boni  et  probi  in  eius [p. 446]  nomine  coire.  Huius  rei  luculento  nobis  experimento  sunt  plurima  decreta  quae  a  talibus  conciliis  prodiere:  quorum  sceleratam  impietatem  evidentibus  argumentis  palam  ostendere  non  valde  mihi  difficile  fuerit,  nisi  (quod  in  hoc  opusculo  necesse  est)  compendio  studerem.  Ab  uno  tamen  capite  si  aestimare  licet,  qualia  possint  esse  reliqua:  coelibatum  imperare  et  ciborum  esum  interdicere,  Paulus  daemoniorum  hypocrisim  et  mendacia  esse  affirmat  (1  Tim.  4).  Nec  est,  quod  purgandi  sui  ac  derivandi  criminis  causa,  ad  Manichaeos  ista  et  Tatianos  referant,  quod  ab  illis  in  totum  damnatae  sint  nuptiae  et  carnes,  a  se  autem,  non  nisi  certis  personis  prohibeantur  nuptiae,  carnes  non  nisi  in  certos  dies.  Nam  excusare  sua  decreta  nequeunt,  quin  contrahere  matrimonium  prohibeant,  et  iubeant  abstinere  a  cibis,  quos  creavit  [OS  247]  Deus  ad  percipiendum  cum  gratiarum  actione.  Quando  omnis  creatura  Dei  bona  et  sancta  est  fidelibus  et  iis  qui  cognorunt  veritatem.  Cum  vero  haec  satanae  oracula  conciliorum  ministerio  prodita  fuerint,  pro  se  iam  quisque  reputet,  quid  in  caeteris  expectandum  sit  a  satanae  organis.  Porro,  quid  concilia  cum  conciliis  pugnantia  recenseam  et  quod  uno  concilio [p. 447]  constitutum  fuerat,  altero  fuisse  abrogatum?  In  moribus,  inquiunt,  constituendis  haec  usu  venire  solet  diversitas;  de  quibus,  pro  temporum  varietate,  leges  ferri  varias,  nihil  vetat.  Imo  in  doctrina  pugnaciter  variare  interdum  visa  sunt.  Ut  Constantinopolitanum,  quod  Leo  Imperator  coegerat,  et  Nicaenum,  quod  in  eius  invidiam  Irene  postea  collegit,  quorum  alterum  subvertendas