9:216  dixisse:  Sacramentorum  eadem  est  ratio:  baptismus  vim  suam  retinet,  quamvis  non  vertatur  aqua  in  sanguinem  Christi:  ergo  coenae  etiam  constabit  sua  vis,  [pag.  221J  utcunque  sub  pane  non  comedatur  verum  Christi  corpus.  Quare  ne  se  in  solutione  nugatoria  frustra  torqueant,  nos  alio  fine  coenam  cum  baptismo  conferimus.  Baptismo  tribuitur,  quod  non  nisi  Christi  sanguini,  et  spiritui  sancto  convenit.  Neque  tamen  propterea  dicendum  est,  aquam  mutari  in  sanguinem  vel  spiritum.  Ergo  non  absurdum  est,  transferri  quoque  ad  panem  quod  non  est  eius  proprium.  Si  excipiant,  dissimilem  esse  rationem,  quia  nusquam  aqua  vocetur  vel  sanguis  vel  spiritus,  mihi  satis  est,  quatenus  est  utriusque  symbolum,  etiam  propriis  utriusque  epithetis  ornari.  Adde  quod  nihilo  obscurior  est  Pauli  sententia,  nos  Christum  induere  in  baptismo,  quam  illa  Christi:  Hoc  est  corpus  meum.  Respondeant  quomodo  induamus  Christum  :  modone  corporali,  ut  de  coena  contendunt?  Inde  sequetur,  non  minus  sub  aqua  inclusum  esse  Christum,  quam  sub  pane.  Confugient  ad  suum  [pag.  222]  asylum,  non  dici  de  baptismo:  Hoc  est.  Quasi  vero  nihil  asseveret  qui  dicit  Christum  a  nobis  indui.  Certe  ita  concidit  frivola  eorum  responsio,  differre  in  hoc  coenam  a  baptismo,  quae  instituta  est  ut  in  ea  sub  pane  et  vino  detur  nobis  Christi  corpus:  baptismo,  ut  tingamur  in  nomine  patris,  filii  et  spiritus  sancti.  Reclamat  enim  Pauli  definitio,  ex  qua  aperte  patet  non  minus  in  baptismo  nos  induere  Christum,  quam  in  coena  comedere.  Vicesimum  quartum  argumentum,  quod  maligne  depravant  ac  mutilant,  sic  potius  retexo  :  Christus  alia  ratione  quam  carnali  praesentia  habitat  in  cordibus  piorum,  ut  sit  eorum  vita,  ergo  de  carnali  praesentia  tantopere  contendere  nihil  attinet.  Hic  censores  non  modo  temeritatem  nobis  exprobrant,  sed  addunt  nos  aliquid  mereri  acerbius:  quia  Deum  audemus  reformare.  Quasi  vero  ideo  negemus  Christi  corpus  substantialiter  [pag.  223]  comedi,  quia  aliter  per  efficaciam  spiritus  sui  perficere  salutem  nostram  potest.  Ratio  est,  de  re  non  necessaria  non  esse  pertinacius  litigandum,  deinde  ex  communi  scripturae  doctrina  petendum  esse  communicationis  modum.  Excipient  pro  more,  aliquid  speciale  esse  in  coena.  Quod  ut  verum  esse  fatear,  tenendum  tamen  interea  est,  non  tendere  in  alium  finem,  quam  qui  alibi  describitur.  Haec  enim  perfectio,  ac  nostrae  felicitatis  cumulus  est,  ut  Christus  per  fidem  in  cordibus  habitans  non  modo  bonorum  omnium,  quibus  donatus  est  a  patre,  consortes  ac  socios  faciat,  sed  vitam  quoque  suam  inspiret,  adeoque  unum  nobiscum  fiat.  Ultra  hanc  metam  progredi  quum  nefas  sit,  non  alio  consilio  institutam  esse  coenam  dicimus,  nisi  ut  hoc  modo  coalescamus  in  corpus  Christi.  Hic  stulte  Magdeburgenses  promissionem  de  carne