50:216  nerationis,  qui  ipsam  cordibus  inscribat.  Hic  autem  non  datur  a  lege,  sed  fide  percipitur.  Meminerint  ergo  lectores,  non  philosophicum  aut  politicum  esse  hoc  dictum  Pauli  :  sed  finem  legis  notari,  qui  fuerit  semper  mundo  incognitus.  Donec  veniret  semen.  Si  respectum  habet  ad  semen,  in  quo  fundata  est  benedictio:  ergo  nihil  promissioni  detrahit.  Nam  istud  donec  perinde  valet  ac  si  dixisset:  interea  dum  exspectatur  semen.  Unde  sequitur,  debuisse  subservire,  non  autem  obtinere  principatum.  Eousque  enim  posita  erat,  ut  erigeret  homines  in  exspectationem  Christi.  Sed  quaeritur  annon  debuerit  durare,  nisi  ad  Christi  adventum.  Nam  si  ita  est,  sequitur  nunc  esse  abrogatam.  Respondeo,  totam  illam  administrationem  temporalem  fuisse:  quoniam  in  eum  finem  posita  erat,  ut  populum  veterem  in  Christi  fide  contineret.  Non  tamen  concedo,  Christi  adventu  totam  legem  fuisse  abrogatam.  Neque  hoc  voluit  apostolus:  sed  tantum  genus  illud  regiminis,  quod  interpositum  fuerat,  debuisse  finem  accipere  in  Christo:  qui  est  promissionis  complementum.  Verum  de  hac  re  amplius  mox  dicendum  erit.  Ordinata  per  angelos.  Id  ad  commendationem  legis  pertinet,  quod  fuerit  per  angelos  tradita.  Idem  affirmat  et  Stephanus,  Actor.  7,  53.  Nam  quod  per  angelos  quidam  Mosem  et  Aaron  et  sacerdotes  intelligunt,  argutum  est  magis  quam  firmum.  Porro  mirum  non  est,  angelis,  per  quos  Deus  minima  quaeque  beneficia  nobis  distribuit,  hoc  quoque  munus  iniunctum  esse,  ut  legi  promulgandae  testes  adessent.  In  manu  mediatoris.  Usitatum  est,  manum  pro  ministerio  accipi:  sed  quum  ministros  fecerit  angelos  legis  ferendae,  manum  mediatoris  accipio  pro  ministerii  primatu  :  quia  fuerit  hic  princeps  legationis  :  angelos  autem  habuerit  comites  sibi  adiunctos.  De  Mose  aliqui  hoc  dictum  putant:  ut  hic  fiat  comparatio  inter  Mosem  et  Christum.  Ego  veteribus  potius  assentior,  qui  de  Christo  exponunt.  JNTam  hunc  sensum  melius  contextui  quadrare  statim  patebit.  Quamquam  a  veteribus  etiam  dissentio  in  significatione  nominis.  Neque  enim  hic  mediator,  quod  illi  putant,  pacificatorem  significat,  ut  in  priore  ad  Timotheum  (2,  5):  sed  internuntium  in  lege  promulganda./Sic  habendum  est,  nullam  abusque  mundi  initio  Dei  communicationem  fuisse  cum  hominibus  ,  nisi  intercedente  aeterna  eius  sapientia  vel  filio./  'Unde  et  spiritu  Christi  loquutos  fuisse  sanctos  prophetas  tradit  Petrus  (Act.  4,  26):  et  Paulus  eundem  facit  ducem  populi  in  deserto  (l.Cor.  10,  4).  Et  sane  angelus,  qui  Mosi  apparuit,  non  potest  alius  censeri,  quum  sibi  proprium  et  essentiale  Dei  nomen  vendicet:  quod  nunquam  ad  creaturas  transfertur.  Sicuti  ergo  mediator  est  reconciliationis,  per  quem  accepti  sumus  Deo,  mediator  patrocinii,  per  quem  accessus  nobis  patet  ad  patrem