29:216  et  les  Martyrs  soyent  en  discord  avec  les  Anges,  ils  ont  une  affection  toute  semblable:  et  cela  sera  cogneu  quand  les  livres  seront  ouverts.  Voila  donc  un  combat  qui  est  de  tous  les  serviteurs  de  Dieu,  pour  empescher  que  l'Eglise  ne  se  corrompe,  et  qu'elle  ne  se  destourne  ou  desbauche  a  quelques  idolatries  et  superstitions.  Puis  qu'ainsi  est,  combattons  aussi  de  nostre  coste,  et  que  nous  tenions  bon,  afin  que  le  service  de  Dieu  demeure  en  son  entier,  et  qu'il  n'y  ait  point  de  meslinge  qui  soit  pour  nous  aliener  de  Dieu:  que  nous  soyons  exercez  en  cela,  voyant  que  c'est  le  propre  office  de  Satan  d'estre  tousiours  contraire  a  nostre  salut:  et  encores  maintenant  il  ne  cesse  de  l'empescher,  mais  il  continue.  Or  il  n'a  point  combattu  une  seule  fois  pour  le  corps  de  Moyse,  mais  depuis  ce  tempsla  il  a  combatu  pour  eslever  tous  les  corps  des  saincts  Prophetes.  Quand  Ieremie  a  servi  d'idolatrie  en  Egypte,  ou  estoit  son  corps  ?  a  qui  pourraon  imputer  cela,  sinon  a  Satan  qui  a  invente  un  nouveau  moyen  d'idolatrie  au  sainct  Prophete?  Et  au  reste,  toutes  ces  illusions  et  ces  faux  miracles  qui  ont  este  faits  en  la  Papaute,  d'ou  procedentils,  sinon  de  ceste  mesme  boutique?  Nous  voyons  donc  comme  Satan  s'est  tousiours  efforce  de  nous  mettre  quelque  obiect  devant  nos  yeux,  pour  nous  retirer  du  service  de  Dieu,  et  nous  amuser  a  ceci  ou  a,  cela:  tellement  qu'estans  enveloppez  en  superstitions,  nous  soyons  corrompus.  Puis  qu'ainsi  est,  que  nous  veillions  tant  mieux  pour  estre  sur  nos  gardes  :  car  si  nos  ennemis  sont  prochains,  et  qu'ils  soyent  tousiours  au  guet  pour  nous  espier,  il  est  certain  que  cela  nous  esveillera  maugre  que  nous  en  ayons.  Or  il  est  dit  que  Satan  ne  cesse,  et  qu'il  brasse  tout  ce  qui  luy  est  possible,  afin  de  nous  surprendre  en  idolatrie:  on  le  voit,  la  chose  le  monstre.  Puis  qu'ainsi  est,  faut-il  que  nous  soyons  endormis?  Mais  plustost  pensons  de  pres  a  nous  (comme  i'ay  dit)  et  que  nous  gardions  bien  d'estre  attrappez.  I'ay  dit  que  nous  voyons  comme  Satan  prattique  en  toutes  sortes  pour  nous  corrompre:  car  ii  n'a  point  seulement  combattu  pour  les  corps,  mais  il  a  combattu  pour  toutes  les  choses  la  ou  iamais  on  n'eust  pense,  que  les  cheveux  ont  este  adorez  d'un  coste,  les  couvrechefs  de  l'autre,  les  chemises,  les  pantoufles,  ceci  et  cela:  bref  il  y  a  des  choses  si  ridicules,  que  les  petis  enfans  mesmes  s'en  mocqueroyent.  Mais  cependant  les  plus  sages  sont  la  eslourdis,  qu'il  y  a  esprit  de  forcenerie  qui  regne:  et  Dieu  a  voulu  ainsi  abrutir  les  hommes,  quand  ils  ne  se  sont  point  voulu  tenir  simplement  a  luy,  mais  qu'ils  ont  este  transportez  de  leurs  appettis  volages:  il  a  fallu  qu'ils  en  soyent  la  venus.  Puis  qu'ainsi  est  donc  cognoissons  que  nostre  Seigneur  nous  donne  tant  plus  d'advertissemens,  afin  de  nous  retenir  en  telle  bride,  que  nous  gardions