15:216  acerrimi  iudicii  coelestisque  doctrinae  penitissimo  arbitrer:  quum  neminem  mediocriter  in  sacris  versatum  lateat,  quod  ipse  quasi  ignotum  tegis?  Et  tamen  funditus  perit  gratuitae  Dei  misericordiae  cognitio,  nisi  hoc  tenemus,  mero  Dei  beneplacito  a  reprobis  discerni  fideles,  quos  in  salutem  eligere  voluit:  nisi  et  hoc  deinde  constat,  fidem  ab  arcana  Dei  electione  manare,  quia  spiritu  suo  illuminat  quos  eligere  antequam  nascerentur  ei  visum  est,  et  adoptionis  gratia  in  familiam  suam  inserit.  Hanc  doctrinam  a  summo  theologo  convelli  quam  absurdum  sit,  pro  tua  prudentia  expende.  Manifestum  certe  dissidium  in  scriptis  nostris  notari,  pessimi  exempli  esse  vides.8)  Nec  vero  hanc  tollendae  discrepantiae  legem  praescribo,  ut  tu  mihi  assentiaris:  sed  ne  pudeat  nos  sacris  Dei  oraculis  subscribere.  Quaerendae  vero  conciliationis  quaecunque  tibi  placuerit  ratio1,  eam  libenter  amplectar.  Ecce  nunc  homines  indocti  et  turbulenti  bellum  sacramentarium  a  parte  vestra  innovant:  quos  etiam  ipsos  tua  taciturnitate  foveri,  boni  omnes  gemunt  et  queruntur.4)  Quantumvis  enim  audax  sit  inscitia,  nemo  tamen  dubitat,  si  liberius  profiteri  quod  sentis  in  animum  induceres,  quin  tibi  facile  sit  eorum  intemperiem  aliqua  saltem  ex  parte  sedare.  Nec  vero  ita  humanitatis  oblitus  sum,  quin  et  mecum  reputem,  et  aliis  quoque  ostendam,  quocum  hominum  genere  tibi  negotium  sit:  quam  te  anxium  perplexumque  teneat  ista  rerum  perturbatio,  quam  multa  circumspicere  tibi  necesse  sit  quae  tuum  cursum  impediunt  ac  morantur.  Sed  nihil  tanti  est,  ut  furiosis  hominibus  tua  dissimulatio  ad  turbandas  et  dissipandas  ecclesias  fraenum  laxet.  Taceo  iam  quam  pretiosa  nobis  esse  debeat  ingenua  sanae  doctrinae  professio.  Scis  annis  plus  triginta  defixos  in  te  fuisse  innumerae  multitudinis  oculos,  quae  nihil  magis  cuperet,  quam  se  tibi  docilem  praebere.  Quid?  an  hodie  ignoras,  plurimos  ab  ambigua  illa,  in  qua  te  nimis  timide  contines,  docendi  forma  dubios  pendere  ?  Quod  si  tibi  sincere  solideque  testari  quod  esset  utile  cognitu  liberum  non  est,  saltem  danda  erat  opera,  ut  fraenares  istorum  intemperiem  qui  de  nihilo  importune  tumultuantur.  Quid  enim,  obsecro,  sibi  volunt?  Clamavit  tota  vita  Lutherus,  non  alia  de  re  se  contendere,  nisi  ut  suam  sacramentis  virtutem  assereret.  Convenit,  non  inanes  esse  figuras,  sed  re  ipsa  praestari  quidquid  figurant.  3)  Bolsecus,  Trollietus  aliique  Melanchthonem  Calvino  opponebant.  4)  Qui  ipse  diu  tacuit  ecce  nunc  illi  silentium  exprobrat  Planckius  (Lehrbgr.  Y.  2  p.  418)  putat  Melanchthonem  tacuisse  ut  videretur  a  Lutheranorum  partibus  usque  firmiter  stare,  cf.  Henry  III.  335  et  App  102.  Mos  potius  crediderimus  id  fecisse  eum  ut  suae  quieti  consuleret  Cf.  ej.  epp.  ad  Calvinum  d.  d.  14.  Oct  1554  et  ad  Hardenbergium  d.  d.2d*  Aug.  {Corp.  Eef.  VIII.  336.  362.)