9:215  215  ULTIMA  ADMONITIO  210  mentales  actiones  negant  conferri  debere  cum  natura,  verum  quidem  est,  modo  no  incomparabilis  Dei  potentiae  praetextu  [pag.  218]  monstra  fingantur  praeter  eius  verbum.  Itaque  eatenus  acquiescit  fides  huic  verbo:  Hoc  est  corpus  meum,  ut  Christi  communicationem  vere  offerri  non  dubitet.  Hoc  modo  nihil  opus  erit  argutius  dc  quantitate  corporis  disputare:  quod  facere  nos  cogit  eorum  importunitas,  qui  Christum  veritate  suae  carnis  privantes,  eum  in  phantasma  transformant.  Nec  vero  quum  spiritualiter  dicimus  Christi  nos  fieri  participes,  voce  hac  intelligimus  significative  tantum,  tropice  et  allegorice  nobis  proponi  edendam  carnem.  Hoc  tam  foedum  mendacium  (ut  alia)  satis  declarat,  ne  guttam  quidem  ingenui  pudoris  esse  in  istis  hominibus,  qui  tam  licentiose  quidlibet  ex  quolibet  faciunt.  Sed  spiritualem  modum  opponimus  carnali:  quia  spiritus  sanctus,  qui  vinculum  est  nostrae  cum  Christo  coniunctionis,  vitam  nobis  ex  carnis  cius  et  sanguinis  substantia  inspirat.  Vicesimum  primum  argumentum  nescio  [pag.  219]  unde  sumpserint:  Corporaliter  non  posse  percipi,  quod  ineffabiliter  percipitur.  Neminem  ex  nostris  ita  loquutum  credibile  est.  Fieri  potest,  ut  alii  quoque,  sicut  me  fecisse  agnosco,  obiecerint,  ineffabilem  modum  potius  spiritualem  esse,  quam  carnalem.  Quum  ergo  nitantur  ineffabili  miraculo,  iure  coarguitur  eorum  pervicacia,  qui  arcanam  spiritus  virtutem  ad  nos  Christo  uniendos  intervenire  non  sustinent.  Vicesimum  secundum  argumentum:  Dictum  est  theologi  non  philosophi:  spatia  locorum  tolle  corporibus,  nusquam  erunt;  et  quia  nusquam  erunt,  nec  erunt:  ergo  adesse  non  potest  Christi  corpus  in  coena,  nisi  locus  assignetur.  Respondent:  Quamvis  a  theologo  profecta  sit  sententia,  esse  tamen  physicam,  *)  et  inepte  ad  res  divinas  applicari.  Addunt  etiam,  patres  saepe  intempestive  permiscuisse  humana  divinis,  et  hoc  modo  turpiter  diluisse  theologiam.  Scilicet  quum  Augustino  [pag.  220]  eripere  non  audeant  nomen  theologi,  hoc  minus  contumeliosum  videtur,  reum  facere  turpis  corruptelae,  ut  vix  a  sacrilegio  excusabilis  sit.  Disputat  illic  ex  professo  Augustinus  de  carne  Christi  :  eam,  ut  vera  sit,  sua  dimensione  finiri  contendit.  Respondent  Magdeburgenses  physica  ratione  turpiter  corruptam  fuisse  theologiam.  Quasi  persuadeant  se  in  rebus  divinis  multo  acutius  cernere,  quam  sanctum  illum  virum,  quo  nec  magis  solidum  in  dogmatibus  ecclesiasticis,  nec  modestiorem  tulit  tota  antiquitas.  Iam  vero  nihil  mirum,  si  nos  homunciones  magistrali  supercilio  prosternant  qui  sic  in  Augustinum  proterviunt.  Vicesimum  tertium  argumentum  non  sincere  proferunt.  Nemo  enim  nostrum  reperietur  hoc  1)  philosophique.