7:215  215  CONTRE  LA  SECTE  216  couleur,  en  se  complaignant  de  l'avarice  de  ceux  qui  se  nomment  Chrestiens,  d'autant  qu'on  voit  un  chascun  estre  tellement  apres  pour  en  avoir,  que  la  plus  part  communement  sont  comme  gouffres  ou  bestes  affamees.  Et  de  faict  il  ne  faut  doubter  que  nostre  Seigneur  ne  permette,  et  quasi  lasche  la  bride  a  Sathan,  pour  susciter  telz  furieux,  qui  taschent  a  mettre  ainsi  les  biens  en  proye,  pour  punir  l'ingratitude  de  ceux  qui  en  abusent:  c'est  a,  dire  quasi  de  tout  le  monde.  On  voit  comment  petis  et  grans  sont  auiourdhuy  embrasez  comme  fournaises,  d'une  cupidite  enragee  d'amasser  et  attirer  a  eux.  On  voit  de  quelz  moyens  et  traficques  ilz  taschent  de  s'enrichir.  On  voit  comment  ceux  qui  ont  des  biens  les  gourmandentl)  tous  seulz,  ou  les  tiennent  serrez,  sans  avoir  pitie  de  leurs  [page  162]  povres  freres,  pour  subvenir  a  leur  indigence,  en  leur  communiquant  de  ce  qu'ilz  ont  entre  mains.  Nous  ne  voulons  point  escouter  les  remonstrances  que  Dieu  nous  en  faict.  C'est  donc  bien  raison  que  le  Diable  esmeuve  ces  tisons  d'enfer,  pour  redoubler  le  desordre,  que  nous  ne  corrigeons  point,  selon  que  Dieu  nous  en  admoneste.  Parquoy  il  est  besoing  de  commencer  par  ce  bout,  que  nous  scachions  quelle  affection  nostre  Seigneur  veut  que  nous  ayons  vers  les  biens.  Quelz  sont  les  moyens  licites  de  les  acquester.  Quel  en  est  le  droict  usaige  et  legitime.  Le  premier  poinct  donc  est  que  nous  n'appetions  point  les  biens  de  ce  monde  par  convoitise:  que  si  nous  sommes  en  povrete,  que  nous  la  portions  patiemment:  si  nous  avons  des  richesses,  que  nous  n'y  mettions  point  nostre  cueur,  ne  nostre  fiance:  que  nous  soyons  prestz  de  les  quicter,  quand  bon  semblera  a  Dieu:  les  ayant  ou  ne  les  ayant  point,  que  nous  les  mesprisions  comme  choses  caduques:  estimant  plus  la  seulle  benediction  [page  IG3]  de  Dieu,  que  tout  le  monde:  et  cherchant  le  regne  spirituel  de  Iesus  Christ,  sans  nous  envelopper  de  convoitises  mauvaises.  Le  second  poinct  est,  que  nous  travaillons  honnestement  pour  gaigner  nostre  vie:  que  nous  prenions  le  gaing  qui  nous  viendra,  comme  de  la  main  de  Dieu:  n'usant  point  de  mauvaises  traficques  pour  attirer  a  nous  le  bien  d'autruy:  mais  servant  a  noz  prochains  en  bonne  conscience:  que  nous  prenions  le  profit  de  nostre  labeur,  comme  un  iuste  salaire:  qu'en  vendant  et  en  achetant  nous  n'usions  point  de  fraudes,  ne  cautelles,  ne  mensonges:  mais  que  nous  allions  rondement  en  besongne,  et  en  telle  loyaute  que  nous  requerrions  des  autres.  Le  dernier  poinct  est,  que  celuy  qui  n'a  gueres,  ne  laisse  point  de  remercier  Dieu,  et  manger  son  pain  avec  contentement,  que  celuy  qui  a  beaucoup,  n'en  abuse  1)  ingurgitant.