6:215  PSALMES.  Parquoy  ne  craindras  point  d'avoir  Mani  v  aise  rencontre  de  nuict,  Ne  coup  de  flesche  recevoir,  Tire  a  toy  quand  le  iour  luict.  Soit  en  tenebres  ou  clarte  Que  ruine  passe  en  nuisant,  Et  tout  ca  et  la  destruisant,  Tu  seras  en  tranquillite.  Quand  mille  a  une  main  verras,  Dix  mille  a  F  aultre  tresbucher,  Tout  le  mal-heur  eschapperas,  Sans  que  de  toy  puisse  approcher.  Ton  oeil  verra  evidemment  Que  la  mortelle  affliction  Tombera  en  confusion  Sus  l'inique,  pour  son  payement.  1)  En  Dieu  chercheras  ton  confort,  Pourtant  de  luy  seras  aide:  Comme  dessus  un  rocher  fort,  Sus  luy  ton  refuge  as  fonde.  Mal-heur  aucun  ne  t'adviendra,  Playe  aucune,  pour  to  blesser,  Ne  pour  tous  les  tiens  oppresser,  Ton  Tabernacle  n'atteindra.  Car  pour  ton  salut  maintenir,  A  ses  Anges  il  a  mande  Que  es  voyes  qu'auras  a  tenir  Par  eulx  tu  sois  tousiours  garde.  En  leurs  mains  ilz  te  porteront,  Te  faibant  tel  soulagement,  Qu'a  rencontre  ou  empeschement  Iamais  tes  piedz  ne  heurteront  Sus  l'aspic,  serpent  venimeux,  Et  le  lyon  tu  marcheras:  Lyonceau  et  dragon  hideux  Sans  dommaige  au  pied  fouleras.2)  Dieu  dit  de  toy:  ie  l'aideray,  Puis  qu'en  estime  il  m'a  tenu;  Puis  qu'il  a  mon  Nom  recongneu,  En  tout  bien  ie  l'exalteray.  M'invocant  il  sera  ouy:  Prochain  m'aura  en  tout  esmoy,  Pour  estre  en  la  fin  resiouy,  Et  mis  en  honneur  de  par  moy.  Sa  vie  aura  heureusement  Par  ma  grace  bon  et  long  cours,  Et  de  ma  vertu  le  secours  Le  conduira  en  sauvement.  )  payment.  2)  marcheras.