55:215  215  EPIST.  PETRI  I  216  subindicat  susque  deque  habendam  aliorum  iacturam,  modo  salvae  sint  animae.  Quum  dicit  Reportantes,  dubitationem  illis  eximit,  quo  alacrius  contendant  dum  certi  sunt  de  salute  obtinenda.  Interea  tamen  hunc  finem  esse  fidei  docet,  ne  anxii  sint  quod  adhuc  differtur.  Nunc  enim  sufficere  nobis  debet  nostra  adoptio:  nec  petendum  est  ut  ante  tempus  mittamur  in  haereditatis  possessionem.  Posset  etiam  pro  fine,  legi  merces:  sed  eodem  sensu.  Colligimus  enim  ex  apostoli  verbis,  non  aliter  nos  quam  fide  consequi  salutem.  Scimus  autem  fidem  sola  gratuitae  adoptionis  promissione  niti.  Quod  si  ita  est,  certe  neque  operum  meritis  debetur  salus,  neque  inde  speranda  est.  Cur  autem  animas  tantum  nominat,  quum  et  corporibus  promissa  sit  resurrectionis  gloria?  Quoniam  immortalis  est  anima,  proprie  salus  illi  attribuitur:  quemadmodum  et  Paulus  interdum  loqui  solet,  Ut  spiritus  salvus  sit  in  die  Domini  (1.  Corint.  5,  5).  Atque  hoc  perinde  valet  ac  si  diceretur,  salus  aeterna.  Est  enim  tacita  comparatio  vitae  mortalis  et  caducae,  quae  ad  corpus  pertinet.  Interea  tamen  non  excluditur  a  gloriae  societate  corpus,  quatenus  animae  est  annexum.  10.  De  qua  salute  exquisierunt  et  scrutati  sunt  prophetae,  qui  de  futura  erga  vos  gratia  vaticinati  sunt:  l  l  .  scrutantes  in  quem  aut  cuiusmodi  temporis  articulum  significaret  qui  in  illis  erat  spiritus  Christi:  prius  testificans  venturas  in  Christum  afflictiones,  et  quae  sequuturae  erant,  glorias.  12.  Quibus  relevatum  est  quod  non  sibi  ipsis,  sed  nobis  ministrabant  haec,  quae  nunc  annuntiata  sunt  vobis  per  eos  qui  vobis  praedicarunt  evangelium,  per  spiritum  sanctum  missum  e  coelo  :  in  quae  desiderant  angeli  prospicere.  Salutis  huius  pretium  inde  commendat,  quod  in  eam  toto  studio  intenti  fuerunt  prophetae.  Rem  enim  magnam  et  singularis  excellentiae  fuisse  oportet,  quae  prophetas  ita  ad  sui  inquisitionem  accenderit.  Clarius  vero  etiamnum  in  eo  relucet  ingens  erga  nos  Dei  bonitas,  quod  multo  plus  nobis  patefactum  hodie  est,  quam  olim  diu  et  sollicite  quaerendo  consequuti  sint  prophetae  omnes.  Interea  certitudinem  salutis  confirmat  ab  ipsa  vetustate:  quoniam  ab  initio  mundi  legitimum  a  spiritu  sancto  testimonium  habuerit.  Duo  haec  distincte  notanda  sunt:  quod  nobis  plus  datum  esse  quam  antiquis  patribus  affirmat,  ut  hac  comparatione  evangelii  gratiam  amplificet:  deinde  quod  de  salute  nobis  praedicatur,  non  posse  aliqua  novitate  esse  suspectum,  quia  iam  olim  testatus  de  ea  fuerit  spiritus  per  prophetas.  Ergo  quum  dicit  prophetas  sciscitatos  esse,  et  sedulo  inquisiisse,  hoc  ad  eorum  scripta  aut  doctrinam  non  pertinet,  sed  ad  privatum  desiderium  quo  quisque  aestuavit.  Quae  postea  sequuntur,  ad  publicam