52:215  215  EPIST.  PAULI  AD  THESSALONICENSES  II  216  ut  sibi  victum  acquirant,  sed  ut  fratrum  quoque  necessitati  opitulentur:  quemadmodum  et  alibi  docet  (Ephes.  4,  28).  13.  Vos  autem  fratres.  Ambrosius  hoc  additum  putat,  ne  opem  suam  maligne  pauperibus  subtraherent  divites,  quia  iusserat  quemque  suum  panem  edere.  Et  sane  videmus  quam  multi  ad  captandum  inhumanitatis  praetextum  plus  aequo  ingeniosi  sint.  Chrysostomus  ita  interpretatur,  quod  iuvandi  sint  nihilominus  ignavi  homines  si  esuriunt,  utcunqne  merito  damnentur.  Ego  simpliciter  existimo  Paulum  offendiculo,  quod  ex  paucorum  ignavia  nasci  poterat,  voluisse  occurrere.  Fieri  enim  solet,  ut  qui  alioqui  ad  beneficentiam  maxime  prompti  sunt  et  alacres,  dum  vident  male  collocando  se  beneficia  perdere,  refrigescant.  Admonet  ergo  Paulus,  utcunque  multi  sint  indigni,  alii  nostra  liberalitate  abutantur,  non  esse  propterera  cessandum  quin  iuvemus  eos  qui  ope  nostra  indigent.  Sententia  observatu  digna,  utcunque  pauperum  ingratitudo,  morositas,  superbia,  protervia,  aliaeque  indignitates  fatigare  nos  possint,  aut  taedio  frangere,  contra  tamen  esse  luctandum:  ut  nunquam  desistamus  a  benefaciendi  studio.  14.  Si  quis  autem  non  obedit  sermoni  nostro,  per  epistolam  hunc  notate:  et  ne  commisceamini  illi,  ut  pudefiat:  15.  et  ne  tanquam  inimicum  censeatis,  sed  admonete  tanquam  fratrem.  16.  Ipse  autem  Deus  pacis  det  vobis  pacem  semper  omnibus  modis.  Dominus  sit  cum  omnibus  vobis.  17.  Salutatio  mea  manu  Pauli:  quod  est  signum  in  omni  epistola.  18.  Gratia  Domini  nostri  Iesu  Christi  cum  omnibus  vobis.  Amen.  14.  Si  quis  non  obedit.  Iam  testatus  est  prius  se  nihil  praecipere  nisi  ex  Domino.  Quare  non  in  hominem  contumax  futurus  erat,  qui  parere  nollet,  sed  Deo  ipsi  rebellis:  ideoque  tales  severe  castigandos  esse  docet.  Ac  primum  quidem  eos  vult  apud  se  deferri,  ut  sua  autoritate  eos  coerceat:  deinde  excommunicari  iubet,  ut  pudore  tacti  resipiscant.  Unde  colligimus  non  esse  parcendum  eorum  famae,  qui  aliter  corrigi  nequeunt  nisi  eorum  vitia  retegantur:  sed  videndum  ut  medico  indicemus  morbos,  qui  sanare  eos  studeat.  Ne  commisceamini.  Non  dubito  quin  de  excommunicatione  agat.  Praeterquam  enim  quod  severam  castigationem  merebatur  axaCta  quam  notavit,  contumaci  aintolerabile  vitium  est.  Prius  dixerat:  Subdu-    vos  ab  illis,  quia  inordinate  vivunt.  Nunc  vero:  Ne  commisceamini,  quia  monitionem  meam  respuunt.  Plus  ergo  quiddam  hac  secunda  loquutione  exprimit  quam  priore.  Aliud  enim  est,  subducere  se  a  familiaritate  cuiuspiam,  aliud  arcere  prorsus  a  societate  sua.  In  summa,  qui  moniti  non  obediunt,  eos  a