50:215  215  EPIST.  PAULI  AD  GALATAS  216  rali  loqui,  sed  de  toto  Mosis  ministerio  :  quod  quidem  Mosis  erat  proprium.  Id  autem  erat  praescribere  vivendi  regulam  et  caeremonias,  quibus  se  in  Dei  cultu  exercerent,  promissiones  deinde  adiungere  et  minas.  Quod  autem  multae  promissiones  de  gratuita  Dei  misericordia  et  de  Christo  inclusae  sunt  illic,  quae  ad  fidem  pertinent:  hoc  est  quasi  accidentale  et  aliunde  accersitum,  quatenus  lex  cum  doctrina  gratiae  confertur.  Memineris  ergo,  hanc  esse  summam  quaestionis:  cur  facta  promissione  demum  supervenit  Moses  cum  nova  illa  pactione  :  Qui  fecerit  haec,  vivet  in  ipsis,  maledictus  autem  qui  non  impleverit  omnia:  an  ut  aliquid  melius  et  perfectius  afferret?  19.  Transgessionum  causa.  Multiplex  est  legis  usus:  sed  Paulus  eum  solum  attigit,  qui  praesenti  causae  serviebat.  Neque  enim  illi  propositum  erat  disserere  quot  modis  lex  prosit  hominibus.  Cuius  rei  monendi  sunt  lectores.  Video  enim  plerosque  hallucinari  quod  nullam  aliam  legis  utilitatem  agnoscunt,  quam  quae  hic  notatur.  Atqui  Paulus  ipse  alibi  (2.  Tim.  3,  16)  praecepta  legis  accommodat  ad  doctrinam  et  exhortationes.  Non  est  igitur  plena  haec  definitio  de  usu  legis:  ac  perperam  faciunt  qui  nihil  aliud  agnoscunt  in  lege.  Quid  autem  hoc  significat  transgressionum  causa?  Sic  quidem  etiam  philosophi  loquuntur,  quod  lex  coercendis  maleficiis  sit  condita.  Sic  habet  vetus  proverbium,  ex  malis  moribus  ortas  esse  bonas  leges.  Verum  altior  est  Pauli  sensus,  quam  verba  prae  se  ierant.  Legem  enim  latam  fuisse  intelligit  ut  transgressiones  palam  faceret:  eoque  modo  homines  cogeret  ad  agnitionem  sui  reatus.  Nam  ut  naturaliter  sibi  facile  ignoscunt,  nisi  urgeantur  a  lege,  sopitas  habent  conscientias.  Hinc  illud  Pauli:  Ante  legem  tametsi  peccatum  esset  in  mundo,  non  tamen  imputabatur  (Rom.  5,  13).  Venit  igitur  lex,  quae  dormientes  expergefecit.  Nam  haec  vera  est  ad  Christum  praeparatio.  Per  legem,  inquit,  ad  Rom.  cap.  3,  20,  cognitio  peccati.  Cur?  ut  peccatum  fieret  supramodum  peccans.  Sic  enim  respondet  cap.  7,  13.  Transgressionum  ergo  causa  lex  posita  est,  ut,  eas  detegeret:  vel  (quemadmodum  loquitur  ad  Rom.  cap.  5,  20)  abundare  faceret.  Torquet  haec  loquutio  Originem:  sed  frustra.  Quid  enim  absurdi  est,  si  Deus  conscientias  ad  tribunal  suum  citat,  ut  reatu  humilientur,  quae  alioqui  sibi  in  malis  suis  placerent?  si  torporem  excutit,  qui  obruebat  omnem  iudicii  sui  sensum?  si  peccatum,  quod  instar  furis  in  caverna  hypocriseos  latebat,  in  lucem  protrahit?  Si  quis  excipiat:  Quum  lex  regula  sit  pie  et  recte  vivendi,  cur  potius  transgressionum,  quam  obedientiae  causa  posita  dicitur?  Respondeo,  utcunque  veram  iustitiam  demonstret,  tamen  in  hac  naturae  corruptione  nihil  quam  augeri  transgressiones  eius  doctrina,  donec  accedat  spiritus  rege-