49:215  215  EPIST.  PAULI  AD  ROMANOS  216  Deo  reconciliatione  disputat  Paulus,  nec  de  mediis  vel  propinquis  salutis  nostrae  causis,  sed  altius  conscendit,  cur  Deus  ante  conditum  mundum  quosdam  solum  elegerit,  aliis  praeteritis.  Deum  aliunde  adductum  esse  negat  ad  hoc  discrimen  quam  mero  suo  beneplacito.  Nam  si  quis  operibus  detur  locus,  tantundem  gratiae  detrahi  contendit  Unde  sequitur,  operum  praescientiam  cum  electione  perperam  misceri.  Nam  si  Deus  alios  eligit,  alios  reprobat,  prout  salute  dignos  vel  indignos  fore  praescivit:  iam  posita  operum  mercede,  non  regnabit  sola  Dei  gratia,  sed  dimidia  tantum  ex  parte  causa  electionis  erit.  Nam  sicuti  antea  saulus  in  iustificatione  Abrahae  disseruit,  ubi  rependitur  merces,  non  ultro  conferri  gratiam:  ita  nunc  ex  eodem  fonte  argumentum  ducit,  si  in  rationem  veniant  opera,  ubi  Deus  certum  hominum  numerum  in  salutem  adoptat,  deberi  mercedem:  itaque  non  fore  gratuitum  beneficium.  Tametsi  autem  hic  de  electione  sermo  est  :  quia  tamen  generalis  est  ratio  qua  Paulus  utitur,  ad  totam  salutis  nostrae  rationem  extendi  debet:  ut  intelligamus  toties  pronuntiari,  nulla  esse  operum  merita,  quoties  salus  nostra  Dei  gratiae  tribuitur.  Vel  potius,  ut  credamus  toties  in  nihilum  redigi  operum  iustitiam,  quoties  gratia  nominatur.  7.  Quid  ergo?  quod  quaerit  Israel,  non  est  assequutus:  electio  autem  assequuta  est,  reliqui  vero  excaecati  fuerunt.  8.  Quemadmodum  scriptum  est:  Dedit  illis  Deus  spiritum  compunctionis,  oculos  ut  non  videant,  et  aures  ut  non  audiant,  usque  in  hodiernum  diem.  9.  Et  David  dicit:  Fiat  mensa  eorum  in  laqueum,  et  in  captionem,  et  in  offendiculum,  et  in  retributionem  ipsis.  10.  Obscurentur  oculi  eorum  ne  videant,  et  dorsum  eorum  semper  incurva.  7.  Quid  ergo?  quod  quaerit  Israel.  Quia  versabatur  hic  in  difficili  quaestione,  quasi  dubitans  interrogat.  Hac  tamen  dubitatione  voluit  certiorem  reddere  responsionem,  quae  mox  sequitur:  innuit  enim  nullam  aliam  dari  posse.  Ea  est  autem,  quod  Israel  in  quaerenda  salute  frustra  laboravit:  quia  praepostero  studio  nitebatur.  Tametsi  nullam  causae  mentionem  hic  facit:  sed  quia  prius  eam  expresserat,  intelligi  certe  hoc  etiam  loco  voluit.  Perinde  enim  valent  eius  verba  ac  si  diceret,  iam  mirum  videri  non  debet  quod  Israel  ad  iustitiam  enitendo  nihil  profecerit.  Inde  autem  conficitur  quod  de  electione  continuo  subiecit,  nam  si  Israel  merito  nihil  est  consequutus:  quid  alii,  quorum  non  erat  melior  vel  causa,  vel  conditio?  unde  tantum  discrimen  inter  pares?  hic  quis  non  videat  solam  electionem  esse,  quae  discriminat?  Est  autem  dubia  verbi  huius  significatio.  Nam  quibusdam  videtur  accipi  collective  pro  ipsis  electis,  quo  inter  se  membra  antitheseos  respondeant:  quorum  sententia  mihi  non  improbatur,  modo  simul  mihi  concedant,  inesse  ali-