29:215  215  SERMON  CXOIX.  216  nous  ayons  des  moyens  pour  nous  amuser  ici  bas,  et  pour  ne  point  tendre  ni  regarder  a  Dieu.  Or  ici  nous  sommes  admonnestez  en  premier  lieu  quel  soin  Dieu  a  de  nostre  salut,  quand  il  veut  que  les  Anges  combattent,  afin  de  nous  retirer  de  toutes  les  tentations  de  Satan.  Et  cela  nous  doit  bien  inciter  a  prendre  meilleur  courage,  quand  nous  voyons  que  nous  avons  de  telles  aides.  Si  donc  nous  sommes  debiles  quant  a  nous,  etsi  nous  ne  pouvons  pas  repousser  les  tentations  de  Satan  quand  nous  en  sommes  assaillis,  confions-nous  que  Dieu  no  nous  veut  point  defaillir,  et  que  mesme  il  employe  ses  Anges,  qui  sont  assez  vaillans  champions  pour  resister  a  tous  les  efforts  de  Satan,  et  a  tout  ce  qu'il  pourra  machiner  a  l'encontre  de  nous.  Voila  donques  en  quelle  confiance  nous  devons  tenir  bon,  quand  nous  sommes  assaillis  de  Satan,  et  qu'il  tasche  de  nous  gagner.  Il  est  vray  que  nous  serions  tousiours  tantost  abbatus  et  opprimez  si  Dieu  ne  nous  secouroit  :  mais  quand  nous  avons  les  Anges  de  paradis  a  nostre  secours,  et  que  Dieu  leur  donne  sa  vertu  invincible,  afin  que  iamais  nous  ne  defaillions,  voila  qui  nous  doit  faire  prendre  courage,  comme  desia  i'ay  dit.  Or  cependant  nous  voyons  aussi  quel  plaisir  font  les  idolatres  aux  Anges,  et  a  tous  les  prophetes,  Apostres,  Martyrs,  et  en  somme  a.  tous  les  serviteurs  de  Dieu,  quand  ils  les  veulent  eslever  outre  leur  mesure.  Les  Papistes  cuident  bien  eslever  la  vierge  Marie,  quand  ils  l'appellent  leur  advocate,  qu'ils  diront  que  c'est  la  vie,  et  le  salut  du  monde:  qu'ils  prononcent  d'autres  horribles  blasphemes,  qu'elle  commande  a  son  fils:  mais  s'ils  la  Vouloyent  au  pied,  quand  elle  seroit  en  ce  monde,  qu'ils  la  trainassent  par  les  cheveux,  il  est  certain  qu'ils  ne  luy  feroyent  point  un  tel  outrage.  Et  pourquoy?  nous  savons  en  quelle  detestation  Dieu  a  toutes  idolatries:  un  temple  qui  sera  infecte  de  marmousets,  est  pire  qu'un  bordeau  quant  a  Dieu:  et  on  viendra  abuser  du  nom  de  la  saincte  Vierge?  on  y  attire  puis  apres  les  Apostres  et  saincts  Martyrs  qui  ont  espandu  leur  sang,  afin  que  le  Nom  de  Dieu  fust  sanctifie:  ils  ont  (di-ie)  despitte  toutes  les  abominations,  et  idolatries  du  monde,  quand  ils  ont  espandu  leur  sang  pour  soustenir  la  verite  de  l'Evangile:  et  au  lieu  de  cela  on  viendra  sous  leur  ombre  obscurcir  le  Nom  de  Dieu,  prophaner  son  service,  le  deschirer  par  pieces  et  lopins?  Notons  bien  donc  que  les  Papistes  n'auront  point  de  pires  ennemis,  ne  plus  aspres  que  les  saincts  qu'ils  cuident  auiourd'huy  honorer,  d'autant  qu'ils  leur  font  ceste  iniure  de  les  mettre  la  comme  contraires  a  Dieu.  Et  comment  le  voyons-nous?  Par  ce  que  sainct  Iude  recite,  que  les  Anges  de  paradis  avec  leur  capitaine  ont  combattu  pour  le  corps  de  Moyse.  Or  ne  pensons  pas  que  la  vierge  Marie,  et  les  Apostres,