27:215  215  SERMON  LXXXV.  216  Dieu  au  double,  a  cause  que  nostre  hypocrisie  nous  aveugle,  et  que  nous  ne  regardons  point  a  nous,  pour  nous  chastier.  Notamment  donc  Moyse  parle  ici  des  filets  ausquels  estoyent  desia  tombez  les  Cananeens.  Comme  s'il  disoit:  Ce  que  vous  avez  veu  en  tous  incredules,  c'est  autant  comme  si  Dieu  vous  advertissoit  de  longue  main  que  vous  tomberez  en  malheur  si  vous  les  ensuyvez:  separez-vous  en  donc.  Au  reste  apprenons,  que  nostre  Seigneur  toutes  fois  et  quantes  qu'il  punit  ceux  que  l'ont  offense,  et  que  nous  cognoissons  cela,  et  qu'il  le  veut  ainsi:  c'est  autant  comme  s'il  nous  faisoit  signe,  ou  mesmes  qu'il  nous  arrestast  de  sa  main,  pour  dire:  Gardez-vous,  ne  poursuyvez  point  plus  outre,  il  ne  faut  plus  marcher:  ou  autrement  vous  estes  abysmez,  vous  estes  perdus.  Quand  nostre  Seigneur  nous  admonneste  ainsi:  ne  faut-il  pas  dire  que  nous  soyons  plus  qu'insensez  si  nous  poursuyvons?  Et  quelle  excuse  y  aura-il  plus,  quand  nous  serons  ainsi  obstinez  a  mal,  et  que  Dieu  n'aura  peu  gagner  ce  poinct  sur  nous,  de  nous  faire  retourner,  quand  il  nous  aura  monstre  la  fosse,  et  qu'il  nous  aura  dit:  Gardez-vous  d'y  tomber?  Cependant  nous  voyons  en  ce  passage,  que  c'est  une  povre  couverture,  de  dire:  Les  autres  font  ainsi:  et  toutesfois  beaucoup  do  simples  gens  s'abusent  la  auiourd'huy.  Quand  on  advertira  les  Papistes  de  leurs  superstitions,  afin  de  les  amener  a  la  verite  de  Dieu,  o!  ie  ne  suis  pas  seul  (dirontils)  il  y  en  a  beaucoup  d'autres  par  le  monde.  Il  leur  semble  qu'ils  pourront  incontinent  rembarrer  Dieu,  moyennant  qu'ils  ayent  beaucoup  de  compagnons.  Or  ici  Moyse  nous  remonstre,  que  tous  seront  enveloppez  en  un  faisceau,  et  que  l'un  ne  sera  point  pour  absoudre  l'autre,  ne  pour  amoindrir  le  mal,  qu'il  faudra  que  tous  soyent  exterminez:  comme  aussi  nostre  Seigneur  Iesus  le  declaire:  Si  un  aveugle  mene  l'autre,  tous  deux  tomberont  en  la  fosse.  Qu'auray-ie  gagne  quand  beaucoup  de  gens  periront  avec  moy?  Et  ainsi  ne  pensons  point  alleger  nos  fautes,  quand  nous  serons  en  grande  compagnie:  mais  plustost  notons  a  l'opposite,  qu'il  n'y  a  rien  pire  qu'une  mauvaise  coustume:  et  c'est  de  cela  dont  il  nous  faut  sur  tout  donner  garde  vivans  en  ce  monde.  Car  nous  voyons  bien  peu  de  gens  qui  nous  conduisent  au  droit  chemin:  et  au  contraire,  il  y  aura  une  multitude  infinie  qui  nous  desbauchera:  que  si  nous  voulons  nous  adonner  aux  hommes,  a  grand'  peine  s'en  trouvera-il  de  cent  l'un  qui  chemine  droit,  mais  tous  sont  esgarez.  Et  quand  aussi  le  Prophete  Isaie  parle  des  confusions  qui  regnoyent  par  tout,  il  ne  dit  sinon:  Chacun  a  decline  en  sa  voye.  Comme  s'il  declairoit,  qu'il  ne  faut  point  que  nous  soyons  abusez  d'ailleurs:  chacun  se  trompera  par  trop.  Quand  donc  les  hommes  suyvront  leurs  phantasies:  les