20:215  215  EPISTOLAE  4059.4061  216  4059.  COURTOYS  CALVINO.  Ecclesiae  suae  laeti  progressus.  Grassatur  tamen  haeresis  Gentilis.  (Ex  autographo  Cod.  Genev.  110,  fol.  1.)  Viro  spectabili  D.  Ioanni  Calvino  ecclesiae  Genevensis  fidelissimo  ministro  quam  plurimum  observando.  Genevae.  Gratia  et  pax  in  Deo  patre  in  Christo  J  esu  Domino  nostro.  Quamvis  paucissime  in  hac  urbe  degerim  non  ingratum  tibi  fore,  mi  pater,  si  ad  te  scriberem  existimavi:  praecipue  hoc  tentavi  ut  te  de  nostro  novo  in  Christo  coetu  certiorem  redderem.  Scias  igitur,  venerando  pater,  etsi  populus  hic  sit  durus  ac,  ut  ita  dicam,  lapideus,  tamen  ita  res  se  habet  ut  Deo  favente  in  dies  crescat  numerus.  Iam  diaconos  et  seniores  creavimus  et  ex  his  consistorium  formavimus.  Adeo  fervet  populi  infimi  zelus  ut  vix  retineri  possit,  quin  me  huo  et  illuc  quaeritet  ubi  meum  rescivit  adventum.  Sed  quia  adhuc  res  in  periculo  versatur,  a  senioribus  providis  retinetur  et  ex  prudentioribus  fidelium  numerus  paulatim  augetur.  Verum  illud  unum  timeo,  ne  mihi  cum  Valentinianis  novis  lucta  sit:  iam  enim  cuiusdam  foetorem  olfactus  sum.  Neque  ille  nebulo  Defarges1)  cessat  suas  spurcitias  rabieique  spumas  spargere  ita  ut  non  solum  homines  sed  aerem  ipsum  infectet.  Unus  nostrorum  seniorum  unum  in  primum  Institutionis  tuae  christianae  librum  commentarium  vidit  manu  scriptum  ac  per  illum  nefandissimum  compositum.  Valentinus2)  Poloniam  profectus  est,  ubi  mandare  prelo  pollicitus  est  quendam  librum  in  tuam  responsionem  compactum.  Tuum,  mi  pater,  super  hac  re  exspectabo  consilium.  Haec  sunt  quae  in  summa  significare  potui.  Patrem  D.  Bezam  caeterosque  fratres  meo  nomine  in  Christo  salutabis,  tuis  eorumque  precibus  sanctis  me  quam  maxime  commendatum  habeas.  Pater  misericordiarum  vos  in  Christo  conservet  ac  foveat.  17.  Decembris  1563.  Tuus  filius  in  Christo  humillimus  Claudius  Courtoys.3)  4059  1)  Gribaldus,  cuius  praedium  erat  Forges.  2)  Gentilis^  quem  tamen  aliquid  typis  exscriptum  edidisse  non  constat.  3)  Quem  apud  Tarentasios  Sabaudos  ministrum  fuisse  disces  ex  ep.  initio  m.  lan.  1564  scripta.