10.1:215  CONSILIA.  Tatam  fuisse  non  legimus,  quum  revocaretur  populus  ad  purum  cultum.  Ergo  anxie  disquirere  necesse  non  est,  ac  ne  expedit  quidem  in  omnes  circumstantias,  quae  innumeros  scrupulos  gignerent.  Proinde  quod  ignovit  Deus  sub  papatu,  nos  quoque  sepeliamus.  Nunc  ubi  de  vero  baptismi  usu  admonita  fuerit  ecclesia,  quod  pugnaret  cum  Christi  instituto  pro  nihilo  ducendum  esset,  ac  de  integro  baptizandus  qui  pollutus  fuerit  profana  aspersione.  De  mulierum  baptismo,  aliud  est  nostrum  iudicium.  Nam  quia  prodigiosa  fuit  audacia,  ut  se  praeter  naturae  legem  mulieres  ad  hoc  munus  ingererent,  minime  dubitamus  quin  secure  tale  flagitium  repudiandum  sit.  Interea  periculum  non  est,  ne  vulnerentur  infirmae  conscientiae:  nisi  quis  nimia  curiositate  frustra  sibi  molestus  sit:  quia  nemo  est  qui  sciat  se  a  muliere  fuisse  baptizatum:  deinde  quia  veteri  decreto  concilii  Carthaginensis  prohibitae  sunt  foeminae  ab  officio  baptizandi,  neminem  offendet  novitas,  quae  metuenda  esset  in  viris.  Valete  optimi  et  integerrimi  fratres.  Dominus  vos  gubernet  spirituali  prudentia,  virtute  sustineat  et  omnibus  donis  locupletet.  Multam  salutem  precamur  senioribus  et  toti  ecclesiae.  Genevae,  13.  Novembris  1561.  DE  CERTORUM  MINISTRORUM  ATASiAl.  *)  Dilectio  Dei  patris  nostri,  et  gratia  D.  N.  Iesu  Christi  vobis  semper  adsit  per  spiritus  sancti  communicationem.  Quod  ad  nos  perlatum  est,  dilectissimi  fratres,  verbum  Dei  ita  expositum  esse  apud  vos  probro,  idque  illorum  culpa  qui  exemplo  aliis  praeire  debuerant,  perquam  moleste  accepimus:  audimus  enim  illos  ipsos  quorum  partes  erant  quemvis  ex  plebe  ad  pacem  et  concordiam  fraternam  exhortari,  eousque  contentionis  vi  efferbuisse,  ut  ad  arma  ipsimet  conclamaverint.  Quam  vero  indignum  facinus  et  quam  enorme!  quantum  etiam  ex  illius  fama  passim  sparsum  erit  scandalum,  ex  quo  non  tantum  contemptus  verbi  Dei  enascatur,  quando  ad  verbi  ministros  scandalum  referendum  sit,  sed  etiam  occasio  offeratur  Satanae  atque  ipsius  instrumentis,  ad  vos  demum  convellendos  atque  ita  dispergendos,  ut  vix  deinde  inflicto  malo  remedium  adferri  possit?  Sane  quod  ad  ecclesiam  Der  attinet,  illam  passim  hodie  ab  hostibus  circumsideri  omnes  vident:  sed  tamen  vestrae  rationes  omnino  vobis  indicunt,  ut  pacem  et  concordiam  retineatis  omnibus  modis.  Satis  enim  1)  Legitur  in  Bezae  thesauro  Gen.  p.  353,  Laus.  p.  662,  JBanov.  p.  744,  Chouet  p.  485,  Amst.  p,  221,  teste  edttore  ex  gallico  versa.