7:214  la  femme  de  se  remarier  ailleurs.  Au  lieu  que  ces  canailles  disent,  qu'un  mariage  est  charnel  et  par  consequent  de  nulle  valeur,  quand  la  femme  est  faschee  contre  le  mary.  S.  Paul  commande  a  1)  cela  seul  1566  suiv.  2)  mugueter  1547  suiv.  (procandi  causa  se  insinuans).  la  femme  de  se  reconcilier  a  son  mary,  s'ilz  ont  quelque  noise  ou  different  ensemble  (1  Cor.  7,  l  l  )  .  Mais  il  est  dict  que  Dieu  a  faict  l'homme,  qu'il  les  a  faictz,  le  [page  159]  masle  et  la  femelle  (Gen.  1,  27):  ainsi  il  ne  reste  que  choisir,  puis  que  nous  sommes  tous  un  corps.  Comme  si  c'estoit  envain  que  l'escriture  dict,  qu'ilz  seront  deux  en  une  chair.  Elle  n'en  nomme  point  ne  trois  ne  quatre,  mais  deux  seulement,  disant  que  l'homme  delaissera  pere  et  mere,  pour  adherer  k  sa  femme  (Gen.  2,  24;  Marc  10,  7).  Comme  si  nostre  Seigneur  avoit  donne  sa  loy  envain,  ou  il  defend  de  convoiter  la  femme  d'autruy  (Exod.  20,  14.  17).  Comme  s'il  avoit  condamne  sans  propos  les  adulteres  et  paillardises.  Comme  si  sainct  Paul  parloit  envain,  quand  il  exhorte  chascun  estre  content  de  sa  femme  (1  Cor.  7,  2).  Parquoy  tout  ainsi  que  i'ay  monstre  cy  dessus,  ceste  malheureuse  secte  estre  une  permission  d'exercer  tout  brigandaige  et  meurtre  sur  les  corps,  de  voler,  piller  et  butiner  les  biens  d'un.  chascun,  comme  estantz  exposez  en  proye:  aussi  nous  voyons  a  present,  que  c'est  une  ouverture  pour  polluer  toutes  couches  et  maisons,  exterminant  toute  chastete  du  monde.  CHAPITRE  XXI.  Quelle  est  la  communion  des  fideles  selon  la  phantasie  des  Libertins.  [page  160]  Nous  avons  desia  veu  comment  ces  malheureux  profanent  le  mariage,  meslant  les  hommes  avec  les  femmes  comme  bestes  brutes,  selon  que  leur  concupiscence  les  meine.  Et  comment  soubz  le  nom  de  mariage  spirituel,  ilz  colorent  ceste  pollution  brutalle:  appellant  mouvement  spirituel  l'impetuosite  furieuse  qui  poulse  et  enflambe  un  homme  comme  un  toreau,  et  une  femme  comme  une  chienne  chaude.  Or  a  fin  de  ne  laisser  nul  ordre  entre  les  hommes,  ilz  font  aussi  une  semblable  confusion  quant  aux  biens:  disant  que  c'est  la  communion  des  sainctz,  que  nul  ne  possede  rien  comme  sien,  mais  que  chascun  en  prenne  ou  il  en  pourra  avoir.  Du  commencement,  il  y  a  bien  eu  quelques  Anabaptistes  estourdis  qui  ont  ainsi  parle.  Mais  depuis  qu'une  telle  absurdite  a  este  repudiee  de  tous,  comme  repugnante  au  sens  humain,  en  sorte  que  les  premiers  [page  161]  aucteurs  mesmes  en  avoyent  honte:  ceux-cy  l'ont  prinse  comme  a*  refuge,l)  selon  que  leur  secte  est  un  retraict,  ou  un  esgout,  pour  recevoir  toutes  les  ordures  du  monde.  Il  est  vray  que  de  prime  face  ilz  ont  bella  1)  eam  isti  quasi  profugam  receperunt.  14*