52:214  sic  grassatum  est  malum,  ut  decimam  fere  partem  occupent  ignavi  ventres,  quibus  unica  religio  est  bene  refertos  vacationem  habere  ab  omni  laboris  molestia.  Atque  huiusmodi  vitae  genus,  huius  vel  illius  nunc  ordinis,  nunc  regulae  nomine  insigniunt.  Quid  autem  ex  adverso  spiritus  per  os  Pauli?  nempe  irregulares  et  inordinatos  omnes  pronuntiat,  quocunque  titulo  censeantur.  Nihil  hic  referre  necesse  est  quantum  semper  otiosa  monachorum  vita  sanioribus  displicuerit.  Memorabile  est  illud  veteris  monachi  dictum,  quod  a*  Socrate  refertur,  Historiae  tripartitae  lib.  8,  Monachum,  qui  manibus  non  laborat,  praedoni  esse  similem.  Alia  non  commemoro,  neque  opus  est:  sufficiat  nobis  haec  apostoli  sententia  qua  pronuntiat  dissolutos  esse  et  quasi  exleges.  Nihil  operis.  In  graecis  participas  elegans  est  npoaovo|j,aa��a,  quam  ego  utcunque  imitari  sum  conatus,  quum  transtuli:  nihil  eos  agere  operis,  sed  curiose  satagere.  Yitium  autem  notat  quo  ut  plurimum  laborant  otiosi  homines,  nempe  quod  importune  tumultuando  sibi  et  aliis  sunt  molesti.  Videmus  enim  eos,  qui  nihil  habent  negotii,  longe  plus  fatigari,  nihil  agendo,  quam  si  in  opere  valde  serio  occuparentur.  Huc  illuc  cursitant:  quocunque  veniunt,  magnam  lassitudinem  prae  se  ferunt:  colli*  gunt  omnes  rumores,  eos  turbulente  dissipant:  dicas  eos  regni  unius  molem  humeris  sustinere.  Huius  rei  an  ullum  potest  illustrius  speculum  haberi  quam  in  monachis?  Quod  enim  hominum  genus  magis  inquietum?  ubi  maior  regnat  curiositas?  Quum  autem  morbus  hic  in  publicum  exitialis  sit,  otio  non  esse  alendum  admonet  Paulus.  12.  Talibus  autem  praecipimus.  Utrumque  vitium,  cuius  meminerat,  corrigit:  tumultuosam  inquietudinem,  et  otium  ab  utili  labore.  Iubet  ergo  primum  ut  quietem  colant:  hoc  est,  placide  se  contineant  intra  vocationis  suae  terminos:  quod  lingua  nostra  dicimus,  sans  faire  bruit.  Ita  enim  res  habet:  maxime  omnium  pacati  sunt  qui  iustis  se  laboribus  exercent:  se  autem  et  alios  perturbant  qui  nihil  habent  operis.  Deinde  alterum  praeceptum  subiicit,  ut  laborent,  hoc  est,  intenti  sint  in  suam  vocationem,  ac  iustis  honestisque  exercitiis  incumbant,  sine  quibus  erronea  est  hominis  vita.  Unde  et  hoc  tertium  sequitur,  ut  suum  ipsorum  panem  edant.  Quo  significat  oportere  suo  esse  contentos,  ne  aliis  graves  sint  vel  importuni.  Bibe  aquam  ex  tuis  fontibus,  inquit  Salomo  (Prov.  5,  15):  et  defluant  rivi  ad  vicinos.  Haec  prima  lex  aequitatis,  ne  quis  aliena  usurpet,  sed  eo  tantum  utatur  quod  suum  vocare  iure  potest.  Altera,  ne  quisque  seorsum,  tanquam  gurges  aliquis,  absorbeat  quod  habet:  sed  in  proximos  sit  beneficus,  eorumque  inopiam  sua  abundantia  sublevet.  Ita  iubet  apostolus  eos,  qui  prius  otiosi  fuerant,  laborare,  non  tantum  14*