51:214  facimus.  Postquam  Deum  imitandum  proposuit,  idem  facit  de  Christo.  Nam  is  est  verum  nostrum  exemplar.  Eadem,  inquit,  caritate  complectimini  vos  invicem,  qua  nos  Christus  complexus  est.  Est  enim  quod  in  Christo  cernimus,  nobis  vera  regula.  2.  Ac  se  ipsum  tradidit.  Hoc  singulare  fuit  argumentum  summae  caritatis,  quod  Christus  quasi  sui  oblitus  propriae  vitae  non  pepercit,  ut  nos  a  morte  redimeret.  Huius  beneficii  si  participes  velimus  esse,  similiter  erga  proximos  affecti  simus  oportet.  Non  quod  tantam  perfectionem  quisquam  nostrum  consequutus  sit:  verum  ad  eam  pro  nostro  modulo  adspirandum  et  enitendum  est.  Quod  additur  de  v  i  c  t  i  m  a  boni  o  d  o  r  i  s  ,  primum  ad  commendandam  Christi  gratiam  valet:  deinde  etiam  praesenti  causae  servit.  Non  potest  quidem  satis  exprimi  verbis  mortis  Christi  fructus  et  efficacia:  ut  teneamus,  hoc  unicum  esse  pretium,  quo  reconciliati  sumus  Deo.1)  Atque  haec  fidei  doctrina  priorem  gradum  occupat.  Caeterum  quo  plus  Christum2)  nobis  praestitisse  audimus,  eo  magis  sumus  illi  obstricti.  Praeterea  colligendum  est  ex  Pauli  verbis,  nulla  nostra  officia  accepta  esse  Deo,  nisi  mutuo  inter  nos  amemus.  Nam  si  hominum  reconciliatio  per  Christum  facta  sacrificium  fuit  boni  odoris:  tunc  demum  bonus  a  nobis  odor  ad  Deum  perveniet,  si  sacer  hic  suffitus  in  nos  diffusus  fuerit.  Quo  pertinet  illud  Christi  (Matth.  5,  23),  Relinque  adl  altare  munus  tuum,  et  vade,  et  reconciliare  fratri  tuo.  3.  Scortatio  vero  et  omnis  immundities  aut  avaritia  ne  nominentur  quidem  inter  vos:  sicut  decet  sanctos:  4.  turpitudo,  stultiloquium,  facetia:  quae  non  conveniunt,  sed  magis  gratia.  5.  Hoc  enim  scitis,  quod  omnis  scortator,  vel  immundus,  vel  ^avarus  qui  est  idololatra,  non  obtinebit  haereditatem  in  regno  Christi  et  Dei.  6.  Nemo  vos  decipiat  inanibus  verbis.  Nam  propter  haec  venit  ira  Dei  in  filios  inoboedientes.  7.  Ne  sitis  igitur  illorum  consortes.  3.  Scortatio.  Hoc  caput  et  tertium  ad  Colossenses  multa  habent  inter  se  congruentia,  quae  prudens  lector  sine  mea  opera  conferre  poterit.  Tria  hic  recenset,  quae  tam  aliena  vult  esse  a  Christianis,  ut  ne  nomen  quidem  audiatur:  quod  rebus  incognitis  solet  accidere.  Per  immunditiem  foedas  omnes  et  impuras  libidines  significat.  Ita  a  scortatione  differt  hoc  nomen,  tanquam  genus  a  specie.  Tertio  ponit  avaritiam,  quae  nihil  aliud  est  quam  immodica  habendi  cupiditas.  Et  praecepto  addit  autoritatem,  dicens  se  nihil  ab  illis  requirere,  quam  quod  sanctos  decet.  Quo  verbo  avaros  1)  Quo  autem  plus  bonir  reperimus  in  Christi  morte,  eo  plus  reverentiae  habere  apud  nos  debet.  2)  ipsum.  U*