49:214  valet  Dei  gratia:  ne  leviter  omnes  adiudicemus  diabolo,  quorum  pietas  nobis  palam  non  apparet1).  Simul  etiam  hoc  nobis  penitus  insideat,  quamvis  passim  grassetur  impietas  et  undique  se  ingerat  horrenda  confusio:  sub  Dei  tamen  sigillo  manere  inclusam  multorum  salutem.  Caeterum  ne  quis  hoc  praetextu  ignaviae  suae  indulgeat,  sicuti  plerique  ex  occulta  Dei  custodia  latebras  captant  suis  vitiis,  observare  rursum  convenit,  salvos  dici,  qui  integri  et  impolluti  in  Dei  fide  permanent.  Ipsa  etiam  iudicii  circumstantia  notanda  est:  nempe  eos  demum  stare  incolumes,  qui  ne  externa  quidem  simulatione  corpus  suum  prostituerint  ad  cultum  idolorum.  Illis  enim  non  animi  tantum  puritatem  tribuit,  sed  quod  etiam  corpus  ab  omni  superstitionis  immunditia  servarint  impollutum.  5.  Sic  ergo  et  hoo  tempore.  Applicat  exemplum  ad  suam  aetatem:  et  quo  faciat  omnia  similia,  reliquias  vocat,  prae  ingenti  scilicet  illo  numero  cuius  ob  oculos  versabatur  impietas2).  Quamquam  simul  ad  illud,  quod  ante  citavit,  Iesaiae  vaticinium  alludens,  in  tristi  et  confusa  desolatione  lucere  adhuc  Dei  fidem  ostendit:  quia  residuum  aliquid  maneat.  Quo  certius  id  confirmet,  vocat  diserte  reliquias,  quae  Dei  gratia  superstites3)  Dei  electionem  esse  immobilem  testantur.  Quemadmodum  dicebat  Eliae  Dominus,  quum  in  idololatriam  d  i  illuxisset  totus  populus,  illa  septem  millia  se  servasse.  Unde  colligitur,  eius  beneficio  fuisse  exempta  ab  interitu.  Neque  simpliciter  gratiam  dicit,  sed  nunc  quoque  ad  electionem  nos  revocat4),  ut  discamus  ab  occulto  Dei  consilio  reverenter  pendere.  Una  igitur  propositio  est,  paucos  servari,  praeut  magna  est  eorum  copia,  qui  nomen  populi  Dei  ad  se  trahunt  Altera,  Dei  virtute  servari,  quos  nullo  meriti  respectu  elegit.  Nam  electio  gratiae  hebraica  forma  pro  gratuita  ponitur.  6.  Si  per  gratiam,  iam  non  ex  operibus.  Amplificatio  sumpta  ex  comparatione  contrariorum:  sic  enim  habent  inter  se  Dei  gratia  et  meritum  operum,  ut  qui  alterum  statuit,  alterum  evertat.  Porro  si  nulla  operum  consideratio  in  electione  admitti  potest,  quae  non  obscuret  gratuitam  Dei  bonitatem,  quam  nobis  tantopere  in  ea  commendatam  voluit:  viderint  phrenetici5)  quid  Paulo  respondeant,  qui  causam  electionis  faciunt,  quam  in  nobis  dignitatem  Deus  praevidet.  Nam  sive  futuris,  sive  praeteritis  operibus  locum  aliquem  dederis,  reel  am  abit  semper  haec  Pauli  sententia,  quae  dicit  gratiam  operibus  nihil  facere  reliquum.  Non  hic  tantum  de  nostra  cum  1)  E  converso  tamen  observemus  quibus  signis  suos  electos  signet.  2)  Et  eas  quidem  3)  maneant,  *)  Pauci  ergo  servantur,  idque  divinae  electionis  beneficio,  quae  et  gratuita  praedicatur.  6)  Scholastici