29:214  ce  moyen  de  la  sacrificature  qui  luy  a  este  donnee  de  Dieu  son  Pere?  Autant  en  est-il  de  tous  leurs  patrons  qu'ils  se  font  accroire.  Ainsi  donc  nous  devons  bien  noter  ce  passage,  quand  Dieu  a  voulu  que  le  corps  de  Moyse  fust  cache.  Et  pourquoy?  pource  que  si  le  peuple  se  fust  la  adonne,  ce  n'estoit  pas  moins  d'abomination,  que  quand  il  a  receu  des  dieux  estranges,  et  qu'il  s'est  enveloppe  parmi  les  superstitions  des  Payens.  Il  est  vray  qu'il  y  eust  eu  une  couverture  plus  apparente.  Car  on  eust  dit:  Voila  le  serviteur  et  Prophete  de  Dieu,  lequel  a  publie  la  Loy:  et  en  l'honneur  de  Dieu,  auquel  il  a  servi,  il  faut  maintenant  qu'il  soit  adore,  que  son  corps  soit  esleve  entre  nous:  et  si  la  verge  qu'il  portoit  a  eu  une  telle  vertu,  et  que  sera-ce  de  son  corps?  Quand  donc  nous  voudrons  estre  exaucez  de  Dieu,  nous  pourrons  venir  a  son  sepulchre,  nous  prierons  Dieu  ici:  car  il  faut  bien  qu'il  soit  present  au  corps  de  Moyse,  veu  qu'il  j  a  des  miracles  si  grans  et  si  memorables  faits  seulement  par  son  baston.  Voila  qu'on  pouvoit  alleguer.  Mais  cependant  ou  il  y  *a  tant  d'allechemens  de  Satan,  c'est  la  ou  il  nous  faut  plus  craindre:  quand  Satan  a  des  illusions,  et  que  les  choses  qu'il  nous  met  devant  les  yeux  ont  quelque  apparence,  c'est  la  (di-ie)  ou  il  nous  faut  batailler  tant  plus  vertueusement:  autrement  nous  serons  incontinent  transportez  en  beaucoup  de  resveries,  dont  il  sera  impossible  de  nous  retirer.  Au  reste,  quant  a  ce  que  nous  avons  allegue  de  sainct  Iude,  notons  que  de  tout  temps  c'a  este  l'artifice  de  Satan,  de  mettre  en  avant  aux  hommes  ce  qui  les  pouvoit  corrompre,  ou  les  pouvoit  attirer  a  idolatrie:  comme  un  oyseleur  aura  tousiours  ses  filets  tendus,  aussi  Satan  a  ses  tromperies  pour  nous  decevoir:  et  il  sait  bien  qu'il  a  tout  gagne,  quand  il  nous  peut  destourner  de  la  purete  du  service  de  Dieu,  et  qu'il  nous  peut  induire  a  quelque  superstition  :  alors  nous  sommes  desbauchez,  alors  il  nous  transporte  la  ou  bon  luy  semble.  Voila  donc  pourquoy  il  travaille  tant  en  cest  endroict,  et  nous  le  voyons  quant  au  corps  de  Moyse;  mais  on  le  voit  par  l'experience,  laquelle  est  par  trop  en  usage.  Or  cependant  notons  bien  aussi  ce  que  sainct  Iude  dit:  Que  Michel  l'archange  luy  a  resiste.  Voila  donc  le  combat  qui  est  entre  les  Anges  de  Dieu,  et  entre  les  Diables:  c'est  assavoir  que  les  Anges  combattent,  afin  que  tousiours  nous  demeurions  en  la  purete  que  Dieu  requiert,  c'est  a  dire,  que  luy  seul  soit  adore  de  nous,  et  que  nous  ne  mettions  point  nostre  fiance  aux  creatures.  Voila  le  desir  des  Anges.  Or  cependant  le  Diable,  qui  est  ennemi  de  nostre  salut,  qui  mesme  voudroit  que  la  maieste  de  Dieu  fust  aneantie:  et  quand  il  ne  peut  faire  cela,  il  tasche  de  l'obscurcit  tousiours  machinera  a  nous  mettre  des  amusefols  devant  les  yeux,  qne  U*