27:214  citude?  Nous  voyons  que  les  peuples  et  regions  ne  sont  point  espargnees,  nous  voyons  aux  personnes  privees  le  semblable,  tout  est  plein  de  gemissemens,  et  de  cris:  c'est  comme  si  Dieu  sonnoit  la  trompette,  comme  quand  on  punira  un  malfaicteur,  qu'un  chacun  en  sera  adverti  pour  y  prendre  exemple.  Nous  voyons  cela.  Et  comment  en  faisonsnous  nostre  profit?  Ne  pensons  point  donc  que  Moyse  ait  ici  seulement  parle  aux  Iuifs:  mais  cognoissons  qu'en  leurs  personnes  Dieu  nous  a  voulu  monstrer,  qu'apres  que  nous  l'aurons  cogneu  et  pere,  et  sauveur,  apres  qu'il  aura  desploye  les  richesses  infinies  de  sa  misericorde  envers  nous,  qu'encores  avons-nous  besoin  d'estre  admonnestez  de  cheminer  en  sa  crainte.  Car  autrement  nous  luy  tournerions  le  dos.  Et  puis,  quand  il  nous  aura  advertis  par  beaucoup  d'exemples,  que  cela  ne  soit  point  assez,  s'il  ne  nous  solicite  d'y  appliquer  mieux  nostre  esprit,  et  que  nous  sachions  en  quoy  c'est  qu'il  saura  voulu  faire  valoir.  Or  il  y  a  l'autre  article:  c'est  quand  nous  sommes  ainsi  instruits  aux  despens  d'autruy,  et  que  Dieu  nous  supporte,  et  qu'il  ne  veut  point  chastier  nos  fautes:  que  pour  le  moins  nous  prevenions  son  ire,  voyans  qu'il  y  en  a  tant  qui  souffrent,  et  qui  souffrent  afin  de  nous  servir  d'instruction:  que  ce  nous  soit  une  eschole,  quand  nous  voyons  que  nostre  Seigneur  use  ainsi  de  sa  rigueur,  et  qu'il  se  declaire  Iuge:  que  nous  n'attendions  pas  qu'il  frappe  sur  nos  testes,  mais  que  nous  venions  a  luy  paisiblement,  que  nous  cognoissions  nos  fautes,  et  que  nous  gardions  bien  de  nous  envelopper  en  la  malediction  de  ceux  contre  lesquels  il  s'est  declaire  ainsi  ennemi,  et  partie  adverse.  Voila  ce  que  nous  avons  a  retenir.  Et  notamment  Moyse  dit:  Gardetoy  de  tomber  aux  laqs  apres  eux.  Comme  s'il  disoit:  Si  vous  n'estes  bien  aveugles,  voyans  que  ces  gens  ici  auront  este  ainsi  punis  de  Dieu,  il  vous  faut  retirer  d'avec  eux,  et  ne  point  suyvre  leur  exemple.  Car  si  vous  estes  meslez  parmi  leurs  corruptions,  Dieu  vous  saura  bien  faire  tomber  en  une  mesme  fosse.  Vous  voyez  ou  ils  sont  trebuschez:  gardez-vous  donc,  ou  cela  sera  manifestement  tenter  Dieu,  comme  si  par  despit  vous  cherchiez  vostre  perdition.  Or  nous  voyons  neantmoins  comme  les  hommes  s'abrutissent  en  cest  endroict.  Car  si  tost  que  nous  aurons  cogneu  quelque  correction  que  Dieu  aura  fait:  nous  ne  laisserons  point  de  provoquer  son  ire  en  une  mesme  espece  que  ceux  qui  auront  este  punis.  Il  est  vray  que  nous  saurons  bien  condamner  ceux  qui  endurent:  o!  c'est  a  bon  droict,  et  ils  l'ont  bien  merite,  ils  sont  dignes  d'une  telle  correction.  Nous  saurons  bien  parler  ainsi:  mais  cependant  apres  avoir  este  iuges  des  autres,  nous  ne  pouvons  pas  faire  nostre  procez:  et  faut  que  nous  soyons  condamnez  do  14*