20:214  a  Ferrariensi  Ducissa,  dum  ad  Principis  domum  contendit,  ingenti  hominum  multitudine  circumdatus  est,  quorum  pars  strictis  gladiis  ipsum  petebat.  Yulnus  in  femore  aut  coxendice  accepisse  aiunt,  quod  tamen  letale  non  est.  Qui  ipsi  aderant  multitudinem  repellentes  duos  ex  adversariis  (nec  enim  hactenus  plures  audivi)  vulnerarunt.  Rem  meditatam  fuisse  putant  ab  iis  qui  nullam  turbandi  occasionem  praetermittunt.  Nostrorum  enim  praesentia  et  fortitudo  ipsos  cruciat  mirum  in  modum.  Huic  vero  periculo,  quod  longius  pervasurum  credebant  nostri,  Dominus  repente  occurrit.  Nec  levis  sane  fuit  ea  suspicio  aut  inanis  metus  de  quibus  nuper  ad  te  scribebam.  Possidonius3)  noster  fortem  et  invictum  se  praebet.  Quo  durius  impetitur,  eo  se  constantiorem  praestat,  ac  bonus  ipsius  negotii  exitus  speratur.  Salernitanus  princeps  una  cum  Hayo  nostrorum  GasL  impulsu  et  rogatu  ad  Anvillanum,  qui  Occitanas  ecclesias  mire  affligit,  profectus  est.4)  Nihil  nunc  praeterea  accepi.  Bene  vale,  mi  pater.  Dominus  confirmet  valetudinem  tuam,  teque  ab  angoribus  animi  et  corporis  sublevare  velit.  D.  Bemrn  caeterosque  fratres  salvere  iube.  Fratres  et  symmystae  mei  vos  salutant.  Aureliae  5  Idus  Decemb.  1563.  Tui  observantissimus  N.  Gallasius.  Nunc  clam  obtruditur  et  circumfertur  illa  invectiva  cuius  exemplar  ad  vos  mittendum  curaram.  Nec  tamen  adhuc  intelligere  potui  an  tibi  reddita  esset.  in  autores  istius  facinoris  et  iam  dicuntur  tres  comprehensi.  Qui  fuit  vulneratus  est  is  Franciscus  qui  Francfordiae  diu  fuit  pastor  ecclesiae  Gallicae,  et  est  homo  modestus  et  facundus.  3)  Coligny.  4)  Languet  p.  278:  Mittuntur  mille  equites  et  sex  millia  peditum  adv.  eos  qui  tumultuantur  in  Gallia  Narbonensi.  Istis  copiis  praeficitur  quidam  D.  deBiron.  Quod  si  eae  copiae  non  sufficiant,  decretum  est  ut  Amiralius  eo  proficiscatur  cum  instructiore  exercitu.  Corbieref  Hist.  de  V  egi.  ref.  de  Montpellier  p.  74;  Parmi  les  protestant��  les  plus  zeles  on  remarquait  a  cette  epoque  (Janvier  1564)  un  prince  de  Salerne  qui  s'etait  marie  a  Montpellier  avec  une  demoiselle  de  la  maison  de  Paulian.  14*