15:214  nus  vos  omnes  tueatur  suo  praesidio,  spiritu  prudentiae,  rectitudinis,  aequitatis  et  constantiae  dirigat,  laboresque  vestros  benedicat.  Amen.15)  1999.  CALVINUS  LISERO.  Respondet  ad  singula  capita  nuper  ae  eius  epistoiae  et  utrique  consensum  in  religione  gratulatur.  (Manu  scripta  non  exstat.  Edidit  Beza  G-enev.  p  133,  Laus.  p.  297,  Hanov.  p.  332,  Chouet  p.  179,  Amst.  p.  82.  Versio  anglica  1.  1.  III.  66.)  Ego  vero,  optime  frater,  nimis  agrestis  forem  ac  inhumanus,  si  tuum  in  scribendo  officium,  *)  quod  ut  a  summa  erga  me  benevolentia  profectum  esse  video,  ita  grato  animo  hilarique  amplecti  decet,  audaciae  vel  temeritatis  damnarem.  Itaque  et  libenter  intellexi,  te  meam  amicitiam  expetere  (quo  nomine  me  tibi  devinctum  esse  profiteor)  et  ex  tuis  literis  alterum  gaudium  accessit,  dum  permultos  esse  significas  qui  fructum  ex  meis  laboribus  non  poenitendum  colligant:  in  quorum  numero  te  quoque  esse  asseris.  Haec  enim  Dei  benedictio  mihi  non  parum  addit  animi;  hoc  tam  maligno  saeculo  esse  tamen  pios  et  eruditos  homines,  qui  non  modo  privatim  ex  meis  lucubrationibus  proficiant,  sed  utilitatem  quam  sentiunt  fideli  opera  studeant  latius  quasi  de  manu,  quod  aiunt,  in  manum  proferre.  Pergamus  igitur  hoc  cursu,  mi  frater:  ac  inter  nos  sancta  vigeat  donorum  Dei  communicatio,  quae  ecclesiam  invidia  et  ambitione  procul  valere  iussis  aedificet.  Meum  quoque  studium  in  sedanda  discordia,  quae  nimis  infeliciter  initio  renati  evangelii  exarsit,  tibi  probari  gaudeo.  Utinam  eadem  ubique  regnaret  modestia.  Sed  iam  denuo  surgunt  turbulenti  homines  non  minus  quam  indocti,  quos  nulla  de  causa  nescio  quae  intemperies  ad  bellum  reparandum  exagitat.  Nostrum  vero  est  talibus  flabellis  placide  occurrere,  ne  incendium  longius  grassetur.  Tranquillum  ecclesiis  vestris  statum  gratulor:  sed  non  simul  coniunctos  esse  disciplinae  nervos,  qui  eum  contineant,  dolendum  est  Nec  alia  corrigendi  vitii  ratio  apparet,  quam  si  pastores,  quos  seria  regni  Christi  cura  tangit,  inter  se  consentiant.  Nam  ut  unus,  aliis  in  consilium  non  adhibitis,  quidquam  tentes,  autor  esse  non  audeo.  Adde  quod  15)  Edd.  addunt:  Genevae  8.  Calendas  Septembris  1554.  1099.  1)  N.  1917.  14*