9:213  213  AD  WESTPHALUM.  ratio,  filium  Dei,  ut  nos  sacrificio  mortis  suae  reconciliaret  patri,  carnem  nostram  induisse:  atque  ut  frater  noster  fieret,  [pag.  212]  similem  nobis  factum  esse,  excepto  peccato.  Veram  illam  carnem,  in  qua  paulo  post  expianda1)  erant  mundi  peccata,  tunc  cernebant  apostoli:  atque  in  eius  intuitu  defigi  oportuit  eorum  fidem,  ne  aliunde  salutem  sperarent.  Et  eorum  mentes  rapi  ad  invisibile  nescio  quid  nihil  aliud  fuisset,  quam  a  vero  et  unico  redemptionis  pretio  averti.  Nec  est  quod  iterum  obstrepant,  diminui  Christi  potentiam,  eumque  mendacii  argui.  Veracem  esse  ipsi  non  credunt,  nisi  praestigiator  sit.2)  Nobis  vero  solide  constat  eius  veritas,  si  naturale  corpus,  quo  indutus  erat,  edendum  in  mysterio  praebuit.  Monendi  enim  sunt  lectores  hac  sinceritate  homines  istos  nobiscum  agere,  ut  quod  ipsi  comminiscuntur,  falso  in  nos  conferant.  An  verum  et  naturale  sit  Christi  corpus,  quod  uno  in  loco  cernitur  oculis  morti  obnoxium,  alibi  coeleste  et  invisibile  eodem  momento  sub  pane  latet,  non  communis  sensus  sed  fides  ex  verbo  Dei  [pag.  213  J  edocta  respondeat  :  nullus  certe  piorum  ambiget,  quin  duplex  corpus  veram  unius  naturam  perimat.  Contendunt  idem  esse.  Quasi  luserit  filius  Dei,  carnem  nostram,  in  qua  iustitiam  acquireret,  induens.  Et  tamen  hanc  maculam  impudenter  nobis  aspergere  non  dubitant,  ac  si  negemus  verum  et  naturale  Christi  corpus  nobis  in  coena  dari.  Decimo  nono  loco  referunt  :  Quando  coena  actio  est  coelestis,  fidelium  mentes  in  coelum  debere  evehi.  Haec  autem  ratio  illis  non  placet  propter  ambiguitatem.  Ut  tamen  coelestis  sit  actio,  quia  Christus  dispensator  est,  non  iubemur  eam  in  coelis  peragei  e.  Atqui  nos  per  coelestem  actionem  nihil  aliud  intelligimus,  nisi  quod  in  mentem  cuivis  protinus  venire  debet,  spirituale  esse  mysterium,  quod  pro  natura  regni  Christi  a  terrenis  actionibus  separari  debet.  Ac  mirum  est  homines  istos,  qui  se  pro  dignitate  et  praestantia  sacrae  coenae  pugnare  fingunt,  aegre  tamen  [pag.  214]  concedere  quod  praecipue  ad  eius  commendationem  valet.  Denique  non  aliud  nobis  significat  nomen  coelestis,  quam  quod  verbis  Augustini  non  minus  vere  quam  scite  expressum  est:  peragi  in  terra,  sed  coelitus,  ab  homine,  sed  divinitus.  Hoc  si  dubitanter  recipiunt  Magdeburgenses,  macellum  sibi  habeant  pro  templo.  Sed  excipiunt,  quamvis  mens  ad  coelestes  promissiones  debeat  respicere:  simul  tamen  debere  converti  ad  praesentem  actionem,  qua  Christus  quasi  porrecta  manu  nobis  apportat  corpus  suum.  Fateor  quidem,  si  quis  externum  signum  praetereat,  non  posse  hoc  sacramento  adiuvari.  Sed  quomodo  conveniet,  sacramenta  esse  sca-  1)  excipienda  Beza  et  Amst.  2)  s'il  ne  leur  fait  un  tour  de  passe-passe  parmi  le  marche.