7:213  213  DES  LIBERTINS.  214  l'un  se  trouve  bien  avec  l'autre  :  lequel  seul  1)  doit  tenir  entre  les  Chrestiens.  Combien  encor  que  ceste  tenure  n'est  pas  permanente.  Car  du  iour  au  lendemain,  si  une  paillarde  se  sache  de  son  rufien,  elle  peut  faire  eschange,  s'il  s'en  offre  quelque  nouveau,  lequel  luy  plaise  mieux.  Semblablement  un  putier  peut  bien  muqueter2)  ca  et  la,  pour  acquerir  des  nouvelles  femmes  spirituelles,  et  les  prendre  quand  il  les  trouve.  Et  sont  si  impudens,  de  couvrir  une  telle  villanie  soubz  l'ombre  de  vocation:  d'autant  qu'ilz  Tinterpretent,  comme  i'ay  dit,  que  c'est  suyvre  l'inclination  de  son  cueur.  Que  maintenant  un  chacun  considere,  que  c'est  qui  restera  plus  de  [page  157]  sauf  au  monde,  quel  ordre,  quelle  loyaute,  quelle  honnestete,  quelle  asseurance  il  y  aura  plus  :  si  le  mariage  qui  est  la  plus  saincte  alliance,  et  qui  doit  estre  la  plus  fidelement  gardee,  se  peut  ainsi  violer.  Le  mariage,  dis-ie,  que  Dieu  a  institue  (Gen.  2,  24),  et  auquel  il  a  mis  telle  vertu,  qu'il  surmonte  toute  conionction  naturelle,  iusque  a  estre  prefere  a  la  conionction  qu'a  le  filz  envers  son  pere.  Le  mariage  que  Iesus  Christ  a  prononce  estre  indissoluble  (Matth.  19,  6).  Le  mariage  qui  est  consacre  au  nom  de  Dieu,  ainsi  qu'il  est  fonde  sur  son  auctorite.  Le  mariage,  qui  est  appelie  par  Salomon  alliance  divine  (Prov.  2,  17):  qui  est  accompare  par  sainct  Paul  a  l'union  spirituelle  que  nous  avons  avec  nostre  Seigneur  Iesus  (Ephes.  5,  32).  Ne  faut  il  pas  bien  que  le  Diable  les  possede,  quand  ilz  osent  faire  une  confusion  telle  et  autant  enorme,  comme  qui  mesleroit  le  ciel  et  la  terre?  Touchant  ce  qu'ilz  disent,  que  ce  n'est  que  mariage  charnel,  quand  le  cueur  de  l'homme  ne  s'adonne  point  a  la  femme,  ou  que  la  femme  ne  prend  point  [page  158]  goust  a  son  mary:  n'est-ce  pas  une  trop  villaine  impudence,  de  se  moquer  ainsi  d'une  promesse  solennellement  faicte  au  nom  de  Dieu  en  la  presence  de  l'Eglise?  Quant  a  ce  qu'ilz  disent  qu'il  n'y  a  point  d'obligation  pour  l'homme  Chrestien:  ie  demande  de  quel  lien  donc  parloit  nostre  Seigneur,  en  disant:  ce  que  Dieu  a  conioinct,  que  l'homme  ne  le  separe  point  (Matth.  19,  6)?  Car  il  n'estoit  pas  nouvelle  alors  de  ceste  pollution  execrable  de  mariage  spirituel.  Ie  demande  a  quel  propos  sainct  Paul  exhorte  les  hommes  d'aymer  leurs  femmes,  et  commande  a  tous  deux  de  perseverer  vivre  ensemble  iusque  a  la  mort  (Ephes.  5,  25;  Col.  3,  19)?  Que  s'il  y  advenoit  quelque  dissension,  il  defend  a