55:213  213  CAPUT  L  214  ergo  fideles  Petrus,  quia  sponte,  non  autem  necessitate  coacti,  se  tristitiae  subiiciant.  Quod  dicit  Paulisper  nunc,  ad  consolationem  valet.  Nam  temporis  brevitas,  mala  quantumvis  alioqui  dura,  non  parum  temperat.  Praesentis  autem  vitae  duratio  instar  momenti  est.  Si  opus  est  Conditio  pro  causa  hic  capitur;  Ostendere  enim  voluit,  non  temere  fieri  quod  ita  Deus  suos  exercet.  Nam  si  nulla  causa  nos  affligeret  Deus,  id  toleratu  grave  esset.  Petrus  ergo  argumentum  consolationis  sumpsit  ex  Dei  consilio:  non  quod  semper  ratio  nobis  appareat,  sed  quia  persuasum  nobis  esse  debet  sic  fieri  oportere,  quia  Deo  placet.  Notandum  quod  non  unam  tentationem  ponit,  sed  plures:  neque  unum  tentationis  genus,  sed  diversa.  Quamquam  huius  loci  expositionem  satius  est  ex  primo  capite  Iacobi  petere.  7.  Pretiosior  auro.  Argumentum  est  a  minori  ad  maius.  Nam  si  aurum,  quod  metallum  est  corruptibile,  tanti  ducimus  ut  velimus  igne  probari,  quo  suum  apud  nos  pretium  obtineat:  quid  mirum  si  Deus  in  fide  eandem  exigat  probationem,  quum  tanta  sit  apud  eum  fidei  excellentia?  Tametsi  autem  aliter  sonant  verba,  fidem  tamen  auro  comparat,  et  eam  auro  magis  pretiosam  facit:  ut  inde  inferat  dignam  esse  quae  probe  examinetur.  Porro  incertum  est  quousque  extendat  verbum  SoxLixaCsaom,  et  nomen  5o%E(uov.  Si  quidem  bifariam  probatur  aurum  igni:  primo  quum  repurgatur  a  scoria:  deinde  quum  de  eius  probitate  faciendum  est  iudicium.  Uterque  probandi  modus  fidei  optime  congruit.  Nam  quum  multae  incredulitatis  faeces  in  nobis  resideant,  dum  variis  afflictionibus  quasi  excoquimur  in  fornace  Dei,  purgantur  fidei  nostrae  scoriae,  ut  pura  et  nitida  sit  coram  Deo.  Simul  experimentum  eius  capitur,  verane  an  ficta  sit.  Utramque  speciem  libenter  amplector:  atque  huc  spectat  quod  mox  sequitur.  Nam  ut  suus  argento  honor  non  ante  habetur,  quam  purgatum  fuerit:  ita  fidem  nostram  honorifice  habendam  esse  et  coronandam  apud  Deum  significat,  ubi  rite  examinata  fuerit.  Quum  revelabitur.  Hoc  additum  est  ut  animos  suos  in  ultimum  usque  diem  suspendere  fideles  discant.  Nunc  enim  abscondita  est  vita  nostra  in  Christo,  latebitque  velut  sepulta,  donec  e  coelo  Christus  apparuerit:  et  totus  vitae  nostrae  cursus  ad  interitum  externi  hominis  inclinat:  et  quaecunque  patimur,  quasi  mortis  sunt  praeludia.  Ergo  necesse  est  ut  in  Christum  coniiciamus  oculos,  si  in  afflictionibus  gloriam  et  laudem  intueri  volumus.  Nam  tentationes  in  nobis  probri  et  pudoris  sunt  plenae,  in  Christo  autem  gloriosae  sunt:  sed  gloria  illa  nondum  in  Christo  plene  conspicitur,  quia  nondum  advenit  consolationis  dies.  8.  Quem  quum  non  videritis.  Duo  ponit,  Quod