52:213  213  CAPUT  III.  214  ut  maligna  est  hominum  natura.  Occurrit  ergo  Paulus,  et  sibi  plus  licuisse  docet  quam  usurpaverit,  ut  reliquis  sua  libertas  integra  maneat.  Eadem  ratione  plus  incutere  pudoris  nihil  agentibus  voluit:  quemadmodum  supra  attigi,  est  enim  argumentum  a  maiore  ad  minus.  10.  Qui  laborare  non  vult.  Quum  scriptum  sit  (Psal.  128,  2):  Beatus  es,  laborem  manuum  tuarum  comedens:  item  (Prover.  10,  4):  Benedictio  Domini  super  manus  laborantis:  certum  est  desidiam  ac  inertiam  a  Deo  maledici.  Deinde  scimus  ad  hoc  creatum  esse  hominem  ut  aliquid  agat.  Quod  non  modo  scriptura  nobis  testatur,  sed  natura  etiam  gentes  docuit.  Aequum  ergo  est,  ut  qui  se  a  communi  lege  eximere  volunt,  victu  etiam  laboris  mercede  priventur.  Quum  autem  praecepit  apostolus  ne  tales  ederent,  non  significat  praeceptum  se  illis  dedisse,  sed  vetuisse  ne  Thessalonicenses  illis  victum  suppeditando  ignaviam  alerent.  Porro  notandum  est  varias  esse  laborandi  species.  Quisquis  enim  hominem  societatem  industria  sua  iuvat,  sive  familiam  regendo,  sive  publica  sive  privata  negotia  administrando,  sive  consulendo,  sive  docendo,  et  quacunque  alia  ratione,  is  inter  otiosos  numerandus  non  est.  Nam  inertes  fucos  taxat  Paulus,  qui  alienis  vivunt  sudoribus,  quum  ipsi  in  commune  nihil  conferant  officii  ad  iuvandum  humanum  genus.  Quales  sunt  nostri  monachi  et  sacrifici,  qui  nihil  agendo,  large  saginantur:  nisi  quod  taedii  fallendi  causa  in  templis  cantillant.  Hoc  sane  est  (ut  Plautus  inquit)  mu8ice  vivere1).  11.  Audimus  enim  quosdam  versantes  inter  vos  inordinate^  nihil  operis  agentes,  sed  curiose  satagentes.  12.  Talibus  autem  praecipimus,  et  obsecramus  per  Dominum  nostrum  Iesum  Christum,  ut  cum  quiete  operantes  suum  ipsorum  panem  edant.  13.  Vos  autem  fratrest  ne  defatigemini  benefaciendo.  l  l  .  Audimus  quosdam.  Verisimile  est  hoc  fucorum  genus  quoddam  fuisse  otiosi  monachatus  semen.  Nam  statim  ab  initio  exstiterunt  qui  religionis  praetextu  vel  arroderent  alienas  mensas,  vel  ad  se  callide  attraherent  simplicium  substantiam.  Et  Augustini  tempore  iam  adeo  invaluerant,  ut  coactus  fuerit  proprium  librum  scribere  adversus  otiosos  monachos:  ubi  merito  de  eorum  superbia  conqueritur,  quod  apostolum  monentem  spernentes  non  tantum  ab  infirmitate  se  excusant:  sed  ideo  sanctiores  aliis  omnibus  videri  volunt,  quia  vacant  a  laboribus:  merito  invehitur  in  hanc  indignitatem,  quod,  ubi  laboriosi  sunt  senatores,  opifex  aut  sordidus  non  tantum  otiosus  vivat,  sed  desidiam  pro  sanctitate  venditet.  Haec  quidem  ille.  Sed  interea  *)  Vide  Plauti  Mostellarian.  act  III.  Sc,  2  40.