51:213  213  CAPUT  Y.  214  esse  impetum.  Non  frustra  porro  m  a  l  i  t  i  a  m  removet,  ut  illa  superiora  corrigantur.  Significat  autem  hoc  verbo  animi  pravitatem,  quae  humanitati  et  aequitati  est  opposita,  et  malignitas  vulgo  nuncupatur.  32.  Sitis  autem  mutuo  comes,  misericordes,  condonantes  vobis  inter  vos,  quemadmodum  et  Deus  vobis  in  Christo  condonavit.  32.  Sitis  autem  mutuo  comes.  Amarulentiae  opponit  comitatem,  quae  est  facilitas  tam  in  moribus  quam  in  vultu  et  sermone.  Et  quia  nunquam  regnabit  inter  nos  ea  virtus,  nisi  vigeat  etiam  au|X7ta&��ia:  ideo  misericordiam  nobis  commendat:  quae  scilicet  in  eo  sita  est,  non  tantum  ut  malis  fratrum  nostrorum  condolescamus  perinde  ac  nostris,  sed  ut  vera  humanitate  praediti,  non  secus  moveamur  in  utramque  partem,  quidquid  illis  acciderit,  ac  si  sustineremus  eorum  personam.  Contraria  est  immanitas,  ubi  tam  ferrei  et  barbari  sunt  homines,  ut  susque  deque  ferant  quidquid  alios  pati  vident.  Condonantes  vobis.  Alii  de  beneficentia  interpretantur:  ideoque  Erasmus  vertit  largientes.  Nec  repugnat  verbi  significatio,  sed  loci  circumstantia  in  aliam  magis  partem  nos  ducit:  nempe  ut  simus  ad  ignoscendum  faciles.  Fieri  enim  interdum  potest  ut  sint  aliqui  suaves  et  teneri  ad  commiserationem:  sed  indigne  laesi,  non  tam  facile  remittunt  iniurias.  Ergo  ne  ii,  qui  alioqui  naturae  benignitate  ad  humanitatem  propensi  sunt,  hominum  ingratitudine  deficiant:  hortatur  ut  se  praebeant  alii  aliis  placabiles.  Et  quo  plus  valeat  exhortatio,  exemplum  Dei  proponit,  qui  longe  plus  nobis  per  Christum  condonavit,  quam  quisquam  mortalium  fratribus  suis  queat.  Vide  ad  Coloss.  3,  5.  CAPUT  V.  1.  Sitis  ergo  imitatores  Dei,  quemadmodum  filii  dilecti.  2.  Et  ambulate  in  caritate,  quemadmodum  et  Christus  nos  dilexit,  ac  se  ipsum  tradidit  pro  nobis  oblationem  et  hostiam  Deo,  in  odorem  bonae  fragrantiae.  1.  Sitis  ergo  imitatores.  Persequitur  eandem  sententiam  et  confirmat,  eo  quod  filios  patri  similes  esse  oporteat.  Admonet  autem  nos  esse  filios  Dei:  debere  ergo  nos  ipsum,  quantum  in  nobis  est,  beneficentia  referre.  Ita  videmus  in  distinctione  capitum  male  discerptas  fuisse  sententias,  quae  inter  se  prorsus  cohaerent.  Teneamus  autem  hoc  argumentum.  Si  filii  Dei  sumus,  debere  nos  esse  eius  imitatores.  Nam  et  Christus  non  aliter  nos  fore  Dei  filios  pronuntiat,  nisi  etiam  indignis  bene-