29:213  213  SUR  LE  DEUTER.  CHAP.  XXXIV.  214  experience  que  ce  n'est  pas  en  vain  que  Dieu  condamne  tout  le  genre  humain  d'estre  adonne  a  superstitions.  Ainsi  donc  voyant  ce  mal  estre  advenu,  que  nous  soyons  tant  plus  advertis  de  cheminer  en  sobriete:  et  comme  i'ay  desia  dit,  deffions-nous  de  nostre  nature,  veu  qu'elle  est  si  vicieuse  et  corrompue.  Et  au  reste  notons  que  Dieu  a  voulu  monstrer  par  son  authorite,  combien  les  idolatries  et  superstitions  luy  desplaisent:  il  a  cache  le  sepulchre  de  Moyse,  faut-ii  maintenant  que  les  hommes  plaident  a  l'encontre?  Car  c'est  batailler  a  l'encontre  de  Dieu,  quand  nous  voudrons  maintenant  disputer  si  cela  est  bon  d'avoir  des  moyens  d'idolatries.  Car  nostre  Seigneur  les  retire,  voyant  bien  que  nous  serons  tantost  attrappez  des  filets  de  Satan,  sinon  qu'il  nous  oste  tous  obiects  :  puis  donc  que  Dieu  en  a  fait  telle  declaration,  il  nous  j  faut  bien  acquiescer  du  tout.  Et  mesmes  nous  avons  a  noter,  que  Dieu  a  ici  condamne  toutes  les  superstitions  qui  se  commettent  en  la  personne  des  Prophetes  ou  des  Apostres,  aussi  bien  que  aux  idoles  que  les  Payens  ont  forgez.  Et  voila  encores  comme  les  papistes  s'abusent  trop  lourdement:  car  quand  on  parle  d'idoles,  il  leur  semble  si  on  n'a  pas  les  dieux  qui  ont  este  renommez  entre  les  Payens,  que  c'est  tout  un,  et  qu'il  n'y  a  point  d'idolatrie  au  reste.  Car  si  la  vierge  Marie  estoit  nommee  une  idole  entre  eux,  que  seroit-ce?  Si  les  saincts  tant  Apostres  que  Martyrs,  et  ceux  mesmes  qu'ils  se  sont  imaginez,  si  on  les  nomme  idoles,  voila  un  propos  execrable  entre  les  papistes.  Et  pourquoy?  Car  ils  ne  tiennent  pour  idoles,  sinon  ceux  que  les  Payens  ont  eu  en  usage.  Voiremais  cependant  ils  n'appercoivent  point  que  l'idolatrie  se  commet  aussi  bien  en  la  personne  des  Anges,  et  voire  en  la  personne  de  Dieu,  qu'en  la  personne  de  ces  diablotins,  qui  ont  este  ainsi  forgez  entre  les  incredules:  ie  di  mesmes  qu'en  ia  personne  de  Dieu  l'idolatrie  se  commettra.  Qu'on  suyve  toutes  les  abominations  qui  se  commettent  au  monde,  comment  sont-elles  coiorees?  on  appellera  auiourd'huy  service  de  Dieu  en  la  papaute,  et  quoy?  la  Messe:  et  nous  savons  que  c'est  une  idolatrie  la  plus  detestable  et  diabolique  qui  y  soit,  sur  tout  d'autant  que  le  nom  de  Dieu  est  la  mesle.  Ainsi  donc  nous  pourrons  bien  dire,  que  nous  servons  a  Dieu,  et  que  nous  l'adorons,  et  cependant  il  y  aura  de  l'idolatrie  villaine  et  desbordee  :  comme  quand  on  se  destourne  de  la  parolle  de  Dieu,  et  que  les  hommes  suyvent  leurs  propres  inventions  et  fantasies.  Mais  quant  aux  Papistes,  ii  est  certain  que  de  la  vierge  Marie  ils  en  font  une  idole.  Car  en  luy  attribuant  l'office  d'advocate,  qu'elle  moyenne  entre  Dieu  et  les  hommes,  qu'elle  est  la  vie,  la  clarte,  l'esperance:  que  restera-il  plus  a  nostre  Seigneur  Iesus  Christ?  n'est-il  pas  despouille  par