27:213  213  SUR  LE  DEUTER.  CHAP.  XII.  214  Dieu,  apres  qu'il  les  aura  mis  en  possession  de  leur  heritage:  nous  pouvons  iuger  que  c'a  este  un  peuple  fort  malin,  et  fort  difficile  a  gouverner.  Car  qu'est-ce  que  Moyse  demande  d'eux?  Qu'ils  ne  mettent  point  en  oubli  celuy  qui  les  avoit  rachetez,  et  puis  qui  leur  avoit  donne  sa  Loy:  qu'ils  se  tinssent  la,  sans  se  polluer  parmi  les  superstitions  des  Payens.  Or  ils  avoyent  deux  choses  pour  estre  retenus  au  service  de  Dieu.  Car  il  leur  devoit  bien  souvenir  comme  il  les  avoit  rachetez  de  la  servitude  d'Egypte:  une  telle  grace  ne  meritoit  elle  pas  bien  que  tousiours  ils  persistassent  a  recognoistre  leur  Redempteur?  Et  puis  pour  exemple  ils  avoyent  de  si  beaux  miroirs,  voyans  que  Dieu  avoit  extermine  les  habitans  de  ce  pays  de  Canaan,  et  que  c'estoit  un  signe  que  toutes  leurs  abominations  luy  estoyent  insupportables:  ne  devoyent-  ils  pas  bien  regarder  a  tels  exemples  pour  en  faire  leur  profit?  Or  quand  nous  aurons  cogneu  la  malice  de  ce  peuple,  venons  a  nous,  et  sachons  que  nous  ne  sommes  point  meilleurs,  et  que  nous  avons  besoin  de  l'admonition  qui  est  ici  contenue.  Qu'ainsi  soit,  Dieu  renouvelle  tous  les  iours  ses  graces  envers  nous.  Si  seulement  nous  avions  senti  sa  bonte  pour  un  coup  en  toute  nostre  vie,  encores  cela  nous  devroit  servir  de  bride  pour  nous  tenir  en  son  obeissance:  mais  il  ne  cesse  de  tous  les  iours  augmenter  ses  benefices,  et  cependant  il  ne  faut  que  tourner  la  main,  que  tout  nous  est  eschappe,  il  ne  nous  en  souvient  plus  pour  en  faire  nostre  profit:  brief  il  semble  que  nous  appliquions  toute  nostre  estude  a  ensevelir  les  biens  que  Dieu  nous  fait,  afin  que  nous  n'ayons  point  occasion  de  l'honorer.  Voila  nostre  ingratitude  qui  se  monstre  par  trop  d'un  coste.  Or  cependant  nous  voyons  assez  d'enseignemens  que  Dieu  nous  donne,  chastiant  ceux  qui  ont  failli  devant  nos  yeux,  et  nous  espargnant:  ne  devrions-nous  pas  mieux  penser  a  ses  iugemens  qu'il  execute  ainsi?  Car  ce  ne  sont  pas  choses  obscures:  il  ne  reste  sinon  que  nous  y  soyons  attentifs:  mais  il  semble  que  nous  voulions  faire  des  aveugles  a  nostre  escient,  et  ne  rien  savoir  de  ce  qui  nous  est  plus  que  patent  et  notoire.  Soit  donc  que  Dieu  nous  attire  a  soy  par  beaucoup  de  graces  qu'il  nous  eslargit,  soit  qu'il  nous  instruise  a  le  craindre,  quand  il  chastie  en  nostre  presence  ceux  qui  l'ont  offense,  tout  cela  ne  profite  rien:  car  nous  sommes  ingrats,  et  tout  ce  qu'on  nous  fera  de  bien,  sera  temps  perdu:  et  cependant  si  nous  voyons  qu'il  se  soit  monstre  Iuge  contre  ceux  qui  l'avoyent  offense,  nous  n'y  pensons  point,  nous  laissons  passer  tout  cela.  Auiourd'huy  pouvons-nous  ietter  la  veue  ne  ca  ne  la,  que  nous  ne  voyions  beaucoup  d'instructions  toutes  visibles,  par  lesquelles  nous  devrions  Bien  estre  advertis  de  cheminer  en  crainte  et  soli-